聯賽杯第三圈賽事，車路士主場6比0大勝班士利。賽前林柏特指呢場比賽係球隊回復狀態嘅好機會，睇嚟佢收到唔錯嘅成效。
夏弗斯出任最擅長嘅10號位置，比對上兩場踢得更自在。佢得到更多嘅自由度，可以回撤攞波、邊路推進、或者前插禁區。今場佢4射4中並攻入3球，得到一隊生涯首個帽子戲法。此外佢亦交出88%傳球成功率、2次key passes、2次機會創造、4次成功盤扭、5次搶斷同贏得9次Ground duels。整體表現比上兩場出色好多，可以話係呢場嘅MOTM。唯一可以挑剔嘅係佢同隊友嘅默契仍有待改善，佢習慣做first touch passes，但通常身邊嘅隊友都反應唔切。而且佢係場上嘅肢體動作非常靜態，好多時其他隊友都唔係太預測到佢嘅行動。當然默契需要時間建立，唔係踢兩三場就做到。阿巴咸表現令人相當驚喜，之前我撰文提及佢喺入球以外貢獻不足嘅問題，而佢今場喺組織方面有好明顯嘅提升。除咗射入1球外，佢仲交出2次助攻。如果你計埋佢喺夏弗斯入第一球前嘅漏波嘅話，佢今場直接創造咗3個入球機會。同時亦見到佢做多咗支點工作，背身技術有提升。佢同夏弗斯之間意外地產生唔錯嘅化學作用，今場3次造就後者入波。希望佢可以向呢個方向繼續提升，多從基奧特身上借鏡，學習如何利用自己嘅身型優勢。
泰亞高施華嘅加盟令車路士後防得到久違嘅穩健感。除咗早段一次誤傳外，佢全場嘅表現都冇咩大問題。佢今場交出咗4次解圍、1次搶斷、1次攔截、1次成功爭頂、94%傳球成功率同6次成功長傳。防守數據以外，佢更重要嘅貢獻係後場嘅指揮能力。佢今場多次指示後衛嘅企位，命令佢地前壓定後退。呢一點係以往4名中堅都做唔到，只有佐真奴在陣先有人識得指揮後場。賽後在場記者指今場車路士非常嘈吵，相信呢點亦要歸功於泰亞高施華。雖然佢未識講英文，但佢本身嘅語言能力亦非常唔錯，識得講4種語言，更有指佢曾用90日就學識講法文。而家佢星期一至五每晚都會上英文堂，希望盡快能夠同隊友作更好嘅溝通。
講完啲好嘢，都要講下啲需要改善嘅地方。今場比數上係一大勝，但過程唔能夠稱之為一面倒。班士利初段逼搶凌厲，為車路士帶來唔少麻煩。喺佐真奴冇出場嘅情況下，車路士嘅抗壓能力大打折扣，加上高華錫本場發揮於水準以下，班士利喺初段比車路士更具威脅。班士利全場14射9中，若非卡巴尼路發揮出色，相信班士利會係先開紀錄嘅一隊。
呢一點亦再次反映車路士對佐真奴嘅依賴，現時車路士仍然未搵到一個唔需要佐真奴仍然運作到嘅中場方案，如果林柏特打算棄用佐真奴的話要諗諗計。另外高華錫加巴克利呢個中場組合明顯唔work，兩人定位接近加上防守弱，造成今場中場中空嘅情況。如果林柏特想以double pivot作為長遠嘅陣式選擇，就要好好思考有咩球員可以作配搭。（講到呢到我諗大家都明點解球隊想買Declan Rice）
另一個明顯嘅問題就係球隊嘅狀態。林柏特話早而家球員仍然喺pre-season mode，而確實我地可以見到佢地嘅競技狀態係未如理想。今場整體上出現咗唔少嘅誤傳，係五五波爭奪上無法佔上風。唔計新加盟同傷癒復出嘅球員，連一直演出穩定嘅高華錫今場表現亦稍為失準，喺傳送同decision making上都較平時失色。希望呢場比賽有助提升返球隊嘅狀態。
總結而言，球隊嘅表現係比上兩場係提升，球員之間多咗配合同溝通，新兵開始加入陣容當中，唔好忘記仲有薛耶治同佩利錫等住出場。大勝一支英冠降班份子唔代表咩，但就能夠加強球隊士氣同信心。嚟緊週末將會喺英超對陣西布朗，希望球隊可以繼續保持呢個勢頭。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
夏弗斯出任最擅長嘅10號位置，比對上兩場踢得更自在。佢得到更多嘅自由度，可以回撤攞波、邊路推進、或者前插禁區。今場佢4射4中並攻入3球，得到一隊生涯首個帽子戲法。此外佢亦交出88%傳球成功率、2次key passes、2次機會創造、4次成功盤扭、5次搶斷同贏得9次Ground duels。整體表現比上兩場出色好多，可以話係呢場嘅MOTM。唯一可以挑剔嘅係佢同隊友嘅默契仍有待改善，佢習慣做first touch passes，但通常身邊嘅隊友都反應唔切。而且佢係場上嘅肢體動作非常靜態，好多時其他隊友都唔係太預測到佢嘅行動。當然默契需要時間建立，唔係踢兩三場就做到。阿巴咸表現令人相當驚喜，之前我撰文提及佢喺入球以外貢獻不足嘅問題，而佢今場喺組織方面有好明顯嘅提升。除咗射入1球外，佢仲交出2次助攻。如果你計埋佢喺夏弗斯入第一球前嘅漏波嘅話，佢今場直接創造咗3個入球機會。同時亦見到佢做多咗支點工作，背身技術有提升。佢同夏弗斯之間意外地產生唔錯嘅化學作用，今場3次造就後者入波。希望佢可以向呢個方向繼續提升，多從基奧特身上借鏡，學習如何利用自己嘅身型優勢。
泰亞高施華嘅加盟令車路士後防得到久違嘅穩健感。除咗早段一次誤傳外，佢全場嘅表現都冇咩大問題。佢今場交出咗4次解圍、1次搶斷、1次攔截、1次成功爭頂、94%傳球成功率同6次成功長傳。防守數據以外，佢更重要嘅貢獻係後場嘅指揮能力。佢今場多次指示後衛嘅企位，命令佢地前壓定後退。呢一點係以往4名中堅都做唔到，只有佐真奴在陣先有人識得指揮後場。賽後在場記者指今場車路士非常嘈吵，相信呢點亦要歸功於泰亞高施華。雖然佢未識講英文，但佢本身嘅語言能力亦非常唔錯，識得講4種語言，更有指佢曾用90日就學識講法文。而家佢星期一至五每晚都會上英文堂，希望盡快能夠同隊友作更好嘅溝通。
講完啲好嘢，都要講下啲需要改善嘅地方。今場比數上係一大勝，但過程唔能夠稱之為一面倒。班士利初段逼搶凌厲，為車路士帶來唔少麻煩。喺佐真奴冇出場嘅情況下，車路士嘅抗壓能力大打折扣，加上高華錫本場發揮於水準以下，班士利喺初段比車路士更具威脅。班士利全場14射9中，若非卡巴尼路發揮出色，相信班士利會係先開紀錄嘅一隊。
呢一點亦再次反映車路士對佐真奴嘅依賴，現時車路士仍然未搵到一個唔需要佐真奴仍然運作到嘅中場方案，如果林柏特打算棄用佐真奴的話要諗諗計。另外高華錫加巴克利呢個中場組合明顯唔work，兩人定位接近加上防守弱，造成今場中場中空嘅情況。如果林柏特想以double pivot作為長遠嘅陣式選擇，就要好好思考有咩球員可以作配搭。（講到呢到我諗大家都明點解球隊想買Declan Rice）
另一個明顯嘅問題就係球隊嘅狀態。林柏特話早而家球員仍然喺pre-season mode，而確實我地可以見到佢地嘅競技狀態係未如理想。今場整體上出現咗唔少嘅誤傳，係五五波爭奪上無法佔上風。唔計新加盟同傷癒復出嘅球員，連一直演出穩定嘅高華錫今場表現亦稍為失準，喺傳送同decision making上都較平時失色。希望呢場比賽有助提升返球隊嘅狀態。
總結而言，球隊嘅表現係比上兩場係提升，球員之間多咗配合同溝通，新兵開始加入陣容當中，唔好忘記仲有薛耶治同佩利錫等住出場。大勝一支英冠降班份子唔代表咩，但就能夠加強球隊士氣同信心。嚟緊週末將會喺英超對陣西布朗，希望球隊可以繼續保持呢個勢頭。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
請按此登錄後留言。未成為會員? 立即註冊