當見到丹尼恩斯喺完半場前入波後，我就知道今場比賽將會失分。當最後真係被射入第三球時，內心意外地冇太大嘅情緒波動，反而有啲感嘆自己咁清楚呢隊波。
進攻套路逐漸形成
本場比賽同樣排出4231，雲拿置中而復出嘅佩利錫就出任右翼。用雲拿踢正前鋒嘅原因一來係為咗安排佩利錫上陣，二來亦係睇準修咸頓嘅高位防線。而雲拿亦冇辜負期望，多次利用速度攻擊修咸頓後衛身後嘅空間，更射入兩個精彩入球。
個人覺得今場嘅front four先應該係車路士今季嘅主進攻配置，過去幾場將雲拿放到左翼上，令佢太過遠離龍門，亦要負擔更多進攻以外嘅工作。今場佢能夠專心於進攻，睇準時機前插。雖然雲拿並唔係正式中鋒，而且習慣進攻時走入左路，但佩利錫同樣喜歡cut-in走入中路，而且夏弗斯亦有極強嘅前插意識，因此唔需要過份擔心缺乏中鋒嘅情況。再者，而家嘅入球點亦唔係單純來自中鋒，可以參考一下熱刺，哈利簡尼習慣回撤到中場，為孫興民製造空間前插。而喺國家隊雲拿同夏弗斯亦擔當類似角色，雲拿出任左前鋒而夏弗斯就踢10號位，如果能夠加強兩人嘅默契將能大大加強車路士嘅進攻力量。
由開季開始，車路士嘅展開方式就出現改變。過往較多習慣從後場開始組織，而今季就更主張略過中路組織，務求將個波盡快運到前場。呢個時候夏弗斯嘅角色就變得非常重要，因為佢係全隊唯一連接前場同中後場嘅「點」。兩個中場唔會向前壓，夏弗斯必須主動回撤拎波，再透過佢嘅個人技術同身型優勢越過對方防守，將個波運到前場區域。今場夏弗斯嘅觸球次數高達78次，比佐真奴仲要多，可以睇得出佢喺現時嘅戰術下嘅重要性。只可惜今場佢嘅表示只屬一般，多次被對手逼搶而丟球，喺7次ground duels中只贏得3次。現時夏弗斯明顯未能習慣英超防守強度，喺觸球作決定時經常稍稍慢咗半秒導致被對手拍甩，不過隨住時間相信佢會慢慢適應。另一個隱憂係而家隊內可以踢到呢個位嘅球員就只有夏弗斯一個，巴克利同路夫斯捷克都有條件能夠勝任，但都已經被外借出去，林柏特需要好好考慮有咩代替方案。
車路士嘅二閘亦係進攻時嘅關鍵，今場捷維爾同艾斯比利古達都分別錄得超過100次嘅觸球。當中路無法前進時，車路士就會將個波分到兩位閘位球員嘅腳下，再利用長傳尋找翼鋒或自行突破，同樣係希望以最快速度將個波送到前場。
如是者，經過幾場比賽後車路士嘅進攻套路開始漸漸有眉目。雖然暫時仍然好依賴球員嘅個人能力，但至少睇得出林柏特嘅思路。
To逼or not to逼？
喺進攻體系漸漸成型嘅同時，防守就仍然混亂。首先林柏特要搞清楚到底佢想唔想進行逼搶，然後再安排其餘嘅防守部署。今場車路士感覺就係兩頭唔到岸，又想逼但又唔敢逼得太前。當修咸頓喺後場拎波時，車路士front 4就會上前逼，但侵略性並唔足夠，而且中後場球員亦欠缺支援，因此呢一套逼搶制造出嘅效果並唔顯著。然後若果修咸頓破解到逼搶後，就會直接面對得返兩個人嘅中場。後面車路士有嘗試增加逼搶人手，將簡迪或佐真奴投入逼搶中，但防線亦冇跟住一齊向前壓，形成中場空虛。
蒙特一度回後到中場位置防守，形成433隊形。林柏特嘅溝思大概係當修咸頓越過中場線後就展開防守隊形，以三中場作為防線屏障，之不過喺執行上實在太混亂，令到蒙特進退失據，上前逼又唔係，回撤又唔係。
其實球隊並唔一定要進行全面逼搶，但必須清楚打算執行邊種防守部署，然後徹底地執行。如果大家有印象，當車路士決心主守時嘅防守表現並唔差，證明球隊唔係冇防守嘅本錢。若果林柏特冇信心能夠主動逼搶，可以轉為mid-block防守，雙前鋒喺前場作簡單遮線，然後兩翼回撤成442陣式。如果林柏特決心逼搶，就將防線前移，令整體陣式變得更緊密，防止出現中場中空嘅情況。當然防守部署唔會得一套，球隊亦可以因應場上情況而轉變，但最重要都係能否徹底地執行，而而家嘅車路士係未見到一套明顯嘅防守隊型。
破逼搶冇計仔？
修咸頓係上季英超其中一支逼搶能力最強嘅球隊，呢一點相信林柏特亦好清楚，但今場車路士並冇做好足夠嘅應對。車路士頭兩個失球都係因為逼搶而輸，首先第一球夏弗斯中路控失球導致被打反擊，呢下好直觀地就會覺得係夏弗斯嘅責任，但當時佢觸球後被接近四個修咸頓球員包夾，實在好難可以突圍而出。呢一球睇到球隊對於被逼搶嘅球員嘅支援並不足夠，導致球員只能嘗試自行突破。然後第二球嘅連環派膠其實亦係由於蘇馬所到嚴密逼搶而引起。
賽後林柏特承認下半場球隊無法應付修咸頓嘅逼搶，結果被對方主導比賽。今季林柏特將陣式改為4231後，佐真奴再唔係好似以前咁退後一格控制節奏，而係同簡迪平排喺中場接應，導致球隊嘅搓傳能力大減。同時，簡迪嘅用球同支援能力亦完全不足。蘇馬同基斯甸臣雖然有好多觸球機會，但佢地嘅用波能力唔足以為球隊破解逼搶。最後只可以勉強將個波分到兩閘，再嘗試放長傳比前鋒追。
林柏特嘗試略過中場組織嘅結果就係中後場抗壓能力大減，當被對手用力一逼嘅時候就立即手忙腳亂。後來換入列斯占士轉踢433，多一個中場球員後中場稍微較之前穩定，可惜呢個換人出現得太遲。另外，今場高華錫居然連後備都冇，實在令人費解。高華錫係隊內抗壓能力最強嘅球員，若果下半場能夠將佢換入相信場面會好唔同。
林柏特需要更多自我修正
進攻銳利固然係好，但拎住呢班進攻球員係應該有咁嘅進攻表現。而防守方面經過成季仍然係咁嘅表現就令人好失望。當中出現嘅問題已經唔係首次發生，但林柏特又做咗幾多功夫去修改？球迷理解林柏特資歷淺，需要時間學習同改進，但林柏特又有冇進行自我反省？今場係開季第五場比賽，我仍然可以用「剛剛開季」、「冇pre-season」等等嘅原因為林柏特作藉口。但球迷耐性有限，如果再過多五場、十場都冇改善，林柏特嘅名宿光環只會燃燒殆盡。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
進攻套路逐漸形成
本場比賽同樣排出4231，雲拿置中而復出嘅佩利錫就出任右翼。用雲拿踢正前鋒嘅原因一來係為咗安排佩利錫上陣，二來亦係睇準修咸頓嘅高位防線。而雲拿亦冇辜負期望，多次利用速度攻擊修咸頓後衛身後嘅空間，更射入兩個精彩入球。
個人覺得今場嘅front four先應該係車路士今季嘅主進攻配置，過去幾場將雲拿放到左翼上，令佢太過遠離龍門，亦要負擔更多進攻以外嘅工作。今場佢能夠專心於進攻，睇準時機前插。雖然雲拿並唔係正式中鋒，而且習慣進攻時走入左路，但佩利錫同樣喜歡cut-in走入中路，而且夏弗斯亦有極強嘅前插意識，因此唔需要過份擔心缺乏中鋒嘅情況。再者，而家嘅入球點亦唔係單純來自中鋒，可以參考一下熱刺，哈利簡尼習慣回撤到中場，為孫興民製造空間前插。而喺國家隊雲拿同夏弗斯亦擔當類似角色，雲拿出任左前鋒而夏弗斯就踢10號位，如果能夠加強兩人嘅默契將能大大加強車路士嘅進攻力量。
由開季開始，車路士嘅展開方式就出現改變。過往較多習慣從後場開始組織，而今季就更主張略過中路組織，務求將個波盡快運到前場。呢個時候夏弗斯嘅角色就變得非常重要，因為佢係全隊唯一連接前場同中後場嘅「點」。兩個中場唔會向前壓，夏弗斯必須主動回撤拎波，再透過佢嘅個人技術同身型優勢越過對方防守，將個波運到前場區域。今場夏弗斯嘅觸球次數高達78次，比佐真奴仲要多，可以睇得出佢喺現時嘅戰術下嘅重要性。只可惜今場佢嘅表示只屬一般，多次被對手逼搶而丟球，喺7次ground duels中只贏得3次。現時夏弗斯明顯未能習慣英超防守強度，喺觸球作決定時經常稍稍慢咗半秒導致被對手拍甩，不過隨住時間相信佢會慢慢適應。另一個隱憂係而家隊內可以踢到呢個位嘅球員就只有夏弗斯一個，巴克利同路夫斯捷克都有條件能夠勝任，但都已經被外借出去，林柏特需要好好考慮有咩代替方案。
車路士嘅二閘亦係進攻時嘅關鍵，今場捷維爾同艾斯比利古達都分別錄得超過100次嘅觸球。當中路無法前進時，車路士就會將個波分到兩位閘位球員嘅腳下，再利用長傳尋找翼鋒或自行突破，同樣係希望以最快速度將個波送到前場。
如是者，經過幾場比賽後車路士嘅進攻套路開始漸漸有眉目。雖然暫時仍然好依賴球員嘅個人能力，但至少睇得出林柏特嘅思路。
To逼or not to逼？
喺進攻體系漸漸成型嘅同時，防守就仍然混亂。首先林柏特要搞清楚到底佢想唔想進行逼搶，然後再安排其餘嘅防守部署。今場車路士感覺就係兩頭唔到岸，又想逼但又唔敢逼得太前。當修咸頓喺後場拎波時，車路士front 4就會上前逼，但侵略性並唔足夠，而且中後場球員亦欠缺支援，因此呢一套逼搶制造出嘅效果並唔顯著。然後若果修咸頓破解到逼搶後，就會直接面對得返兩個人嘅中場。後面車路士有嘗試增加逼搶人手，將簡迪或佐真奴投入逼搶中，但防線亦冇跟住一齊向前壓，形成中場空虛。
蒙特一度回後到中場位置防守，形成433隊形。林柏特嘅溝思大概係當修咸頓越過中場線後就展開防守隊形，以三中場作為防線屏障，之不過喺執行上實在太混亂，令到蒙特進退失據，上前逼又唔係，回撤又唔係。
其實球隊並唔一定要進行全面逼搶，但必須清楚打算執行邊種防守部署，然後徹底地執行。如果大家有印象，當車路士決心主守時嘅防守表現並唔差，證明球隊唔係冇防守嘅本錢。若果林柏特冇信心能夠主動逼搶，可以轉為mid-block防守，雙前鋒喺前場作簡單遮線，然後兩翼回撤成442陣式。如果林柏特決心逼搶，就將防線前移，令整體陣式變得更緊密，防止出現中場中空嘅情況。當然防守部署唔會得一套，球隊亦可以因應場上情況而轉變，但最重要都係能否徹底地執行，而而家嘅車路士係未見到一套明顯嘅防守隊型。
破逼搶冇計仔？
修咸頓係上季英超其中一支逼搶能力最強嘅球隊，呢一點相信林柏特亦好清楚，但今場車路士並冇做好足夠嘅應對。車路士頭兩個失球都係因為逼搶而輸，首先第一球夏弗斯中路控失球導致被打反擊，呢下好直觀地就會覺得係夏弗斯嘅責任，但當時佢觸球後被接近四個修咸頓球員包夾，實在好難可以突圍而出。呢一球睇到球隊對於被逼搶嘅球員嘅支援並不足夠，導致球員只能嘗試自行突破。然後第二球嘅連環派膠其實亦係由於蘇馬所到嚴密逼搶而引起。
賽後林柏特承認下半場球隊無法應付修咸頓嘅逼搶，結果被對方主導比賽。今季林柏特將陣式改為4231後，佐真奴再唔係好似以前咁退後一格控制節奏，而係同簡迪平排喺中場接應，導致球隊嘅搓傳能力大減。同時，簡迪嘅用球同支援能力亦完全不足。蘇馬同基斯甸臣雖然有好多觸球機會，但佢地嘅用波能力唔足以為球隊破解逼搶。最後只可以勉強將個波分到兩閘，再嘗試放長傳比前鋒追。
林柏特嘗試略過中場組織嘅結果就係中後場抗壓能力大減，當被對手用力一逼嘅時候就立即手忙腳亂。後來換入列斯占士轉踢433，多一個中場球員後中場稍微較之前穩定，可惜呢個換人出現得太遲。另外，今場高華錫居然連後備都冇，實在令人費解。高華錫係隊內抗壓能力最強嘅球員，若果下半場能夠將佢換入相信場面會好唔同。
林柏特需要更多自我修正
進攻銳利固然係好，但拎住呢班進攻球員係應該有咁嘅進攻表現。而防守方面經過成季仍然係咁嘅表現就令人好失望。當中出現嘅問題已經唔係首次發生，但林柏特又做咗幾多功夫去修改？球迷理解林柏特資歷淺，需要時間學習同改進，但林柏特又有冇進行自我反省？今場係開季第五場比賽，我仍然可以用「剛剛開季」、「冇pre-season」等等嘅原因為林柏特作藉口。但球迷耐性有限，如果再過多五場、十場都冇改善，林柏特嘅名宿光環只會燃燒殆盡。
如果你中意呢篇文，希望你可以like埋我個facebook page，多謝各位大佬！
Blu波pen: https://www.facebook.com/blueballpenhk/
請按此登錄後留言。未成為會員? 立即註冊