圖片來源：香港足球總會 Facebook (https://www.facebook.com/photo.php?fbid=737279725186021&set=pb.100067120005493.-2207520000&type=3&locale=zh_HK)
2026 世界盃亞洲區外圍賽，此前兩戰得 1 分嘅港隊今輪喺主場出擊迎戰烏茲別克。
今場港隊排出 4-3-3 陣式，把守最後一關嘅有葉鴻輝，左右閘係孫銘謙、茹子楠，而中堅則係一對前傑志拍檔艾里奧、周緣德；中場方面沿用過往人腳，由胡晉銘踢防守中場，陳肇鈞、陳俊樂則位置較前；前線三箭頭則由安永佳擔任正選中鋒，祖連奴、艾華頓踢左右翼。
香港正選陣容
GK1 葉鴻輝 Yapp Hung Fai
LB23孫銘謙 Sun Ming Him
CB5 艾里奧 Hélio
CB2 周緣德 Oliver GerbigRB21茹子楠 Yue Tze Nam
CM16陳肇鈞 Chan Siu Kwan Philip (80' 由余在言 Yu Jesse Joy Yin 入替)
CM6 胡晉銘 Wu Chun Ming (88' 由徐宏傑 Tsui Wang Kit 入替)
CM8 陳俊樂 Tan Chun Lok
LW22祖連奴 Juninho (80' 由史堤芬彭利拿 Stefan Pereira 入替)
ST 9 安永佳 Matt Orr (63' 由米高 Michael Udebuluzor 入替)
RW11艾華頓 Everton Camargo (63' 由潘沛軒 Poon Pui Hin 入替)
圖片來源：香港足球總會 Facebook (https://www.facebook.com/photo.php?fbid=737279645186029&set=pb.100067120005493.-2207520000&type=3&locale=zh_HK)
烏茲別克今場頻頻喺邊路發動攻勢，幾乎每次傳中都能夠搵到隊友接應並以射門作結，非常具威脅。佢哋嘅球員靈活、技術好，經常以 one touch 配合拉扯港隊防線甚至轉邊，港隊要跟上對手嘅節奏明顯有啲吃力；加上對手兩閘經常壓上助攻，只要港隊一對翼鋒回唔切防就會令兩閘被逼以一敵二，令對手有足夠嘅時間、空間睇定嚟斬。若非今場葉鴻輝表現神勇，港隊絕對有機會大敗一場。
圖片來源：香港足球總會 Facebook (https://www.facebook.com/photo?fbid=737279721852688&set=pb.100067120005493.-2207520000&locale=zh_HK)
相比之下，港隊球員速率明顯較慢，難以有效組織攻勢，即使係一向擔當港隊進攻主力嘅艾華頓亦受制於對方嘅針對性部署，每次攞波就會有兩至三名烏茲別克球員夾擊，難以發揮，基本上港隊全場真正威脅到對手嘅攻勢寥寥可數。
不過，即使陷於劣勢下亦有一啲港隊球員有好表現，當中筆者認為今場左飛右撲嘅葉鴻輝固然係今場最佳，而中場陳俊樂、右閘茹子楠亦發揮得好。前者係三位中場球員之中最穩定、技術最細緻嘅一位，呢啲特點令佢可以應付對手嘅逼搶並引球推進，基本上港隊要從後場運波上去時一定要經由佢發板，係港隊攻守轉換嘅節拍器；而茹子楠喺右路經常要以一敵二嘅情況下都甚少失位，亦經常把握到時機埋身攔截，破壞對手攻勢，而且體能好好嘅佢踢到 80 幾分鐘仍然可以走上走落甚至突破傳中，表現可圈可點。
總結
港隊喺下星期二晚 (3 月 26 號) 10:30 將會作客再戰烏茲別克，一眾職球員比賽完稍作休息後琴日朝早就立即啟程飛往烏茲別克備戰。然而，中堅艾里奧、鐘樂安及右翼艾華頓都分別因私人理由及受傷未能隨隊，雖然港隊已經立即補選咗可翼可閘嘅林樂勤，但對港隊整體實力上亦難免有一定程度嘅影響，加上要作客出戰，相信今場比賽將會更加難踢。各位球迷到時記得收睇直播支持港隊！
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
2026 世界盃亞洲區外圍賽，此前兩戰得 1 分嘅港隊今輪喺主場出擊迎戰烏茲別克。
今場港隊排出 4-3-3 陣式，把守最後一關嘅有葉鴻輝，左右閘係孫銘謙、茹子楠，而中堅則係一對前傑志拍檔艾里奧、周緣德；中場方面沿用過往人腳，由胡晉銘踢防守中場，陳肇鈞、陳俊樂則位置較前；前線三箭頭則由安永佳擔任正選中鋒，祖連奴、艾華頓踢左右翼。
香港正選陣容
GK1 葉鴻輝 Yapp Hung Fai
LB23孫銘謙 Sun Ming Him
CB5 艾里奧 Hélio
CB2 周緣德 Oliver GerbigRB21茹子楠 Yue Tze Nam
CM16陳肇鈞 Chan Siu Kwan Philip (80' 由余在言 Yu Jesse Joy Yin 入替)
CM6 胡晉銘 Wu Chun Ming (88' 由徐宏傑 Tsui Wang Kit 入替)
CM8 陳俊樂 Tan Chun Lok
LW22祖連奴 Juninho (80' 由史堤芬彭利拿 Stefan Pereira 入替)
ST 9 安永佳 Matt Orr (63' 由米高 Michael Udebuluzor 入替)
RW11艾華頓 Everton Camargo (63' 由潘沛軒 Poon Pui Hin 入替)
圖片來源：香港足球總會 Facebook (https://www.facebook.com/photo.php?fbid=737279645186029&set=pb.100067120005493.-2207520000&type=3&locale=zh_HK)
烏茲別克今場頻頻喺邊路發動攻勢，幾乎每次傳中都能夠搵到隊友接應並以射門作結，非常具威脅。佢哋嘅球員靈活、技術好，經常以 one touch 配合拉扯港隊防線甚至轉邊，港隊要跟上對手嘅節奏明顯有啲吃力；加上對手兩閘經常壓上助攻，只要港隊一對翼鋒回唔切防就會令兩閘被逼以一敵二，令對手有足夠嘅時間、空間睇定嚟斬。若非今場葉鴻輝表現神勇，港隊絕對有機會大敗一場。
圖片來源：香港足球總會 Facebook (https://www.facebook.com/photo?fbid=737279721852688&set=pb.100067120005493.-2207520000&locale=zh_HK)
相比之下，港隊球員速率明顯較慢，難以有效組織攻勢，即使係一向擔當港隊進攻主力嘅艾華頓亦受制於對方嘅針對性部署，每次攞波就會有兩至三名烏茲別克球員夾擊，難以發揮，基本上港隊全場真正威脅到對手嘅攻勢寥寥可數。
不過，即使陷於劣勢下亦有一啲港隊球員有好表現，當中筆者認為今場左飛右撲嘅葉鴻輝固然係今場最佳，而中場陳俊樂、右閘茹子楠亦發揮得好。前者係三位中場球員之中最穩定、技術最細緻嘅一位，呢啲特點令佢可以應付對手嘅逼搶並引球推進，基本上港隊要從後場運波上去時一定要經由佢發板，係港隊攻守轉換嘅節拍器；而茹子楠喺右路經常要以一敵二嘅情況下都甚少失位，亦經常把握到時機埋身攔截，破壞對手攻勢，而且體能好好嘅佢踢到 80 幾分鐘仍然可以走上走落甚至突破傳中，表現可圈可點。
總結
港隊喺下星期二晚 (3 月 26 號) 10:30 將會作客再戰烏茲別克，一眾職球員比賽完稍作休息後琴日朝早就立即啟程飛往烏茲別克備戰。然而，中堅艾里奧、鐘樂安及右翼艾華頓都分別因私人理由及受傷未能隨隊，雖然港隊已經立即補選咗可翼可閘嘅林樂勤，但對港隊整體實力上亦難免有一定程度嘅影響，加上要作客出戰，相信今場比賽將會更加難踢。各位球迷到時記得收睇直播支持港隊！
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊