經歷過作客歐洲嘅失利後，港隊返到主場香港大球場出擊，迎戰柬埔寨，今場亦係新領隊韋斯活 (Ashley Westwood) 上任後帶領嘅第二場比賽。
港隊今場繼續以新陣式 3-2-4-1 出戰，把守最後一關嘅仍然係隊長葉鴻輝，三中堅係陳晉一、鐘樂安、周緣德；費蘭度、余在言擔任防守中場﹐進攻中場係陳肇鈞、祖連奴，左翼有今次重回港隊名單嘅史堤芬彭利拿，右翼則係傷癒復出嘅艾華頓，前鋒位置就繼續由安永佳擔任正選。
圖片來源：香港足球總會 Facebook (https://www.facebook.com/photo.php?fbid=865600349020624&set=pb.100067120005493.-2207520000&type=3)
GK1 葉鴻輝 Yapp Hung Fai
CB17陳晉一 Chan Shinichi (81' 由尼高拉斯 Nicholas Benavides 入替)
CB4 鐘樂安 Leon Jones
CB3 周緣德 Oliver Gerbig
CDM12費蘭度 Fernando (72' 由茹子楠 Yue Tze Nam 入替)
CDM14余在言 Yu Jesse Joy Yin
LM10史堤芬彭利拿 Stefan Pereira (46' 由顏卓彬 Ngan Cheuk Pan 入替)
CAM16陳肇鈞 Chan Siu Kwan Philip (62' 由孫銘謙 Sun Ming Him 入替)CAM11祖連奴 Juninho
RM13艾華頓 Everton Camargo
ST 9安永佳 Matt Orr (72' 由米高 Michael Udebuluzor 入替)
圖片來源：香港足球總會 Facebook (https://www.facebook.com/photo.php?fbid=866149042299088&set=pb.100067120005493.-2207520000&type=3)
呢套新陣形流動性大、變化多，控球在腳時係 3-2-4-1，而防守時就會變做 4-4-2。費蘭度會退後一格拍住鐘樂安打中堅，陳晉一、周緣德拉邊擔任左右閘，兩名中場中係陳肇鈞、余在言，左右翼都會收後同兩名中場中平排，而最前嘅就係安永佳、祖連奴。
圖片來源：香港足球總會 Facebook (https://www.facebook.com/photo.php?fbid=866149015632424&set=pb.100067120005493.-2207520000&type=3)
相對以往，港隊喺新領隊嘅帶領下進攻流暢咗，球員亦更多插入禁區。當費蘭度由守轉攻壓上前後，基本上港隊就只有 3 位球員負責防守，其餘 7 位都會喺中前場參與進攻，令港隊喺中前場多咗傳波嘅選擇，亦增加執到 second ball 嘅機會。而且，前線球員自由度高、流動性大，經常會見到安永佳拉邊，而祖連奴、艾華頓、陳肇鈞等都會有意識地插入禁區，球員之間亦有更多配合，令進攻更多元化。
然而，當面對快速反擊時只得 3 位球員防守嘅弱點就會暴露出嚟。柬埔寨喺下半場時都有一兩次反擊直接用長傳打港隊三中堅嘅身後，尤其是速度較慢嘅右中堅周緣德嗰邊，當中更有一次成功創造單刀機會，慶幸葉鴻輝表現神勇，力保不失。呢個亦係港隊急需改善嘅地方，畢竟柬埔寨喺亞洲之中實力較弱，佢哋都能夠針對呢個弱點進攻，若然面對實力更強嘅球隊如馬來西亞、泰國，呢個弱點一定會表露無遺，甚至導致失波。
總結
經過兩次試驗後，相信球員都對呢套戰術有一定程度嘅理解，而韋斯活亦似乎會喺未來繼續使用呢套戰術。喺今次國際賽期之中，港隊嘅中場主力如陳俊樂、黃威、林衍廷都因傷缺席，希望佢哋可以喺下一次國際賽期歸隊，到時球迷就可以見到呢個陣式嘅完全體，而筆者就認為覆蓋範圍大、喺港隊一直負責轉守為攻嘅陳俊樂將會係呢套新陣容中嘅重要一員。
圖片來源：香港足球總會 Facebook (https://www.facebook.com/photo.php?fbid=866149035632422&set=pb.100067120005493.-2207520000&type=3)
另一個疑問係當面對實力較強嘅對手時，韋斯活會堅持呢兩場嘅陣容定係會轉變為一個相對保守嘅陣容。筆者就認為喺現時三中堅嘅前提下，對陣實力較強嘅對手時或者可以試試 3-5-2 或 3-4-2-1。呢個陣容同近呢兩場港隊嘅陣容最大分別係由左右閘代替翼鋒球員踢邊路，原先嘅右翼艾華頓稍為移入靠右嘅 half space 位置，而祖連奴亦可以繼續進攻中場嘅角色，不過就要犧牲左翼位置變成左翼衛，加強球隊防守。港隊左右兩邊都不乏翼衛人選，右邊當然有正選常客、但呢兩場先任後備嘅茹子楠，佢喺今場後備入替後無論進攻定防守都有亮眼表現；而左邊可勝任嘅人選亦有孫銘謙、陳晉一。
下一輪國際賽將會喺 11 月中上演，港隊分別會喺 11 月 14 及 19 號喺主場迎戰菲律賓及毛里裘斯，各位球迷到時記得支持！
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
港隊今場繼續以新陣式 3-2-4-1 出戰，把守最後一關嘅仍然係隊長葉鴻輝，三中堅係陳晉一、鐘樂安、周緣德；費蘭度、余在言擔任防守中場﹐進攻中場係陳肇鈞、祖連奴，左翼有今次重回港隊名單嘅史堤芬彭利拿，右翼則係傷癒復出嘅艾華頓，前鋒位置就繼續由安永佳擔任正選。
圖片來源：香港足球總會 Facebook (https://www.facebook.com/photo.php?fbid=865600349020624&set=pb.100067120005493.-2207520000&type=3)
GK1 葉鴻輝 Yapp Hung Fai
CB17陳晉一 Chan Shinichi (81' 由尼高拉斯 Nicholas Benavides 入替)
CB4 鐘樂安 Leon Jones
CB3 周緣德 Oliver Gerbig
CDM12費蘭度 Fernando (72' 由茹子楠 Yue Tze Nam 入替)
CDM14余在言 Yu Jesse Joy Yin
LM10史堤芬彭利拿 Stefan Pereira (46' 由顏卓彬 Ngan Cheuk Pan 入替)
CAM16陳肇鈞 Chan Siu Kwan Philip (62' 由孫銘謙 Sun Ming Him 入替)CAM11祖連奴 Juninho
RM13艾華頓 Everton Camargo
ST 9安永佳 Matt Orr (72' 由米高 Michael Udebuluzor 入替)
圖片來源：香港足球總會 Facebook (https://www.facebook.com/photo.php?fbid=866149042299088&set=pb.100067120005493.-2207520000&type=3)
呢套新陣形流動性大、變化多，控球在腳時係 3-2-4-1，而防守時就會變做 4-4-2。費蘭度會退後一格拍住鐘樂安打中堅，陳晉一、周緣德拉邊擔任左右閘，兩名中場中係陳肇鈞、余在言，左右翼都會收後同兩名中場中平排，而最前嘅就係安永佳、祖連奴。
圖片來源：香港足球總會 Facebook (https://www.facebook.com/photo.php?fbid=866149015632424&set=pb.100067120005493.-2207520000&type=3)
相對以往，港隊喺新領隊嘅帶領下進攻流暢咗，球員亦更多插入禁區。當費蘭度由守轉攻壓上前後，基本上港隊就只有 3 位球員負責防守，其餘 7 位都會喺中前場參與進攻，令港隊喺中前場多咗傳波嘅選擇，亦增加執到 second ball 嘅機會。而且，前線球員自由度高、流動性大，經常會見到安永佳拉邊，而祖連奴、艾華頓、陳肇鈞等都會有意識地插入禁區，球員之間亦有更多配合，令進攻更多元化。
然而，當面對快速反擊時只得 3 位球員防守嘅弱點就會暴露出嚟。柬埔寨喺下半場時都有一兩次反擊直接用長傳打港隊三中堅嘅身後，尤其是速度較慢嘅右中堅周緣德嗰邊，當中更有一次成功創造單刀機會，慶幸葉鴻輝表現神勇，力保不失。呢個亦係港隊急需改善嘅地方，畢竟柬埔寨喺亞洲之中實力較弱，佢哋都能夠針對呢個弱點進攻，若然面對實力更強嘅球隊如馬來西亞、泰國，呢個弱點一定會表露無遺，甚至導致失波。
總結
經過兩次試驗後，相信球員都對呢套戰術有一定程度嘅理解，而韋斯活亦似乎會喺未來繼續使用呢套戰術。喺今次國際賽期之中，港隊嘅中場主力如陳俊樂、黃威、林衍廷都因傷缺席，希望佢哋可以喺下一次國際賽期歸隊，到時球迷就可以見到呢個陣式嘅完全體，而筆者就認為覆蓋範圍大、喺港隊一直負責轉守為攻嘅陳俊樂將會係呢套新陣容中嘅重要一員。
圖片來源：香港足球總會 Facebook (https://www.facebook.com/photo.php?fbid=866149035632422&set=pb.100067120005493.-2207520000&type=3)
另一個疑問係當面對實力較強嘅對手時，韋斯活會堅持呢兩場嘅陣容定係會轉變為一個相對保守嘅陣容。筆者就認為喺現時三中堅嘅前提下，對陣實力較強嘅對手時或者可以試試 3-5-2 或 3-4-2-1。呢個陣容同近呢兩場港隊嘅陣容最大分別係由左右閘代替翼鋒球員踢邊路，原先嘅右翼艾華頓稍為移入靠右嘅 half space 位置，而祖連奴亦可以繼續進攻中場嘅角色，不過就要犧牲左翼位置變成左翼衛，加強球隊防守。港隊左右兩邊都不乏翼衛人選，右邊當然有正選常客、但呢兩場先任後備嘅茹子楠，佢喺今場後備入替後無論進攻定防守都有亮眼表現；而左邊可勝任嘅人選亦有孫銘謙、陳晉一。
下一輪國際賽將會喺 11 月中上演，港隊分別會喺 11 月 14 及 19 號喺主場迎戰菲律賓及毛里裘斯，各位球迷到時記得支持！
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊