圖片來源：Sky Sports (https://www.skysports.com/football/news/11675/12910903/harry-kane-bayern-munich-not-giving-up-on-trying-to-sign-tottenham-striker-sky-in-germany)
三十而立，對於今個月就踏入 30 歲、處於黃金時期嘅哈利簡尼 (Harry Kane) 嚟講，今個夏天或者就係佢決定去或留嘅時候。
睜開眼睛 家徒四壁
一口嘆息 充滿壓抑
美麗遐想 沒人和應
又再想起了只得你一個旅程
《相信一切是最好的安排》 - 陳蕾
效力熱刺至今整整 14 年，當年初出茅廬嘅小伙子如今已經蛻變成英格蘭隊長、熱刺 icon，神射手、足球先生等個人榮譽應有盡有，卻始終與冠軍獎盃無緣。
2015-16 球季，一眾強隊如曼市雙雄、阿仙奴、利物浦及車路士等同時表現反覆，熱刺將士用命大打爭氣波，躋身前列，但一山還有一山高，李斯特城嘅一趟傳奇之旅成就咗佢哋嘅神奇奪冠球季，熱刺只能成為配角，喺聯賽最後關頭更俾同市宿敵阿仙奴反超前，最終只能屈居第三。
2018-19 球季，到熱刺喺歐聯賽場先喺小組賽驚險以次名出線，16 強兵不血刃擊退多蒙特，8 強與曼城激戰至最後 1 分鐘成功晉級，再於 4 強熱血反勝阿積士，與利物浦會師決賽爭奪歐聯冠軍寶座，面對當屆如日中天嘅利物浦卻未能更進一步，最終兩球兵敗西班牙。
2021 年熱刺再次躋身盃賽決賽，與曼城爭奪英格蘭聯賽盃，卻於陣前換帥，辭退領隊摩連奴，如此關鍵時刻出現一個如此突然嘅變動，對球隊嘅影響不言而喻，球隊最終 0:1 不敵曼城亦非意外。
圖片來源：The Telegraph (https://www.telegraph.co.uk/football/2019/07/19/harry-kane-still-not-champions-league-final-defeat/)
眼見昔日隊友如卡爾獲加 (Kyle Waker)、艾歷臣 (Christian Eriksen)、尼當比利 (Tanguy Ndombele) 等人離隊後紛紛可以一嚐冠軍滋味，今季租借至西維爾嘅基爾 (Bryan Gil) 亦與舊隊友拉美拿 (Erik Lamela) 高舉歐霸盃，哈利簡尼可謂百般滋味在心頭。
轉眼又踢完一季，熱刺再次四大皆空，但綜觀全季哈利簡尼依舊表現出色，喺聯賽攻入 30 球並取得 3 個助攻，參與咗球隊接近一半嘅入球數量，而 30 個入球呢個數字放眼近四季都係足以奪得英超神射手嘅紀錄，只係今季有個更強大嘅入球機器夏蘭特 (Erling Håland) 先令佢同神射手寶座擦身而過。喺上季英超神射手孫興慜 (Son Heung-Min) 今季表現跌 watt、古路錫夫斯基 (Dejan Kulusevski) 受傷患困擾、列查利臣 (Richarlison) 作用有限嘅情況下，哈利簡尼再次撐起熱刺踢完一季。
執筆之時傳出德甲班霸拜仁慕尼黑有意收購哈利簡尼嘅消息，對哈利簡尼而言絕對係追逐冠軍嘅好機會，而熱刺願意放人嘅機會亦唔細，畢竟哈利簡尼同熱刺只係剩低一年合約，若然雙方唔續約嘅話下年哈利簡尼就可以以自由身轉會。為咗避免人財兩失，熱刺必定會審慎考慮拜仁嘅報價，而相信拜仁亦願意而且有能力提出一份另雙方都滿意嘅報價，促成轉會。
圖片來源：The Sun (https://www.thesun.co.uk/sport/20603017/bayern-munich-harry-kane-transfer-tottenham/)
世界很大 還很大
可以的 你可以有更好的
《相信一切是最好的安排》 - 陳蕾
資料來源
Transfermarkt (https://www.transfermarkt.com/harry-kane/profil/spieler/132098)
三十而立，對於今個月就踏入 30 歲、處於黃金時期嘅哈利簡尼 (Harry Kane) 嚟講，今個夏天或者就係佢決定去或留嘅時候。
睜開眼睛 家徒四壁
一口嘆息 充滿壓抑
美麗遐想 沒人和應
又再想起了只得你一個旅程
《相信一切是最好的安排》 - 陳蕾
效力熱刺至今整整 14 年，當年初出茅廬嘅小伙子如今已經蛻變成英格蘭隊長、熱刺 icon，神射手、足球先生等個人榮譽應有盡有，卻始終與冠軍獎盃無緣。
2015-16 球季，一眾強隊如曼市雙雄、阿仙奴、利物浦及車路士等同時表現反覆，熱刺將士用命大打爭氣波，躋身前列，但一山還有一山高，李斯特城嘅一趟傳奇之旅成就咗佢哋嘅神奇奪冠球季，熱刺只能成為配角，喺聯賽最後關頭更俾同市宿敵阿仙奴反超前，最終只能屈居第三。
2018-19 球季，到熱刺喺歐聯賽場先喺小組賽驚險以次名出線，16 強兵不血刃擊退多蒙特，8 強與曼城激戰至最後 1 分鐘成功晉級，再於 4 強熱血反勝阿積士，與利物浦會師決賽爭奪歐聯冠軍寶座，面對當屆如日中天嘅利物浦卻未能更進一步，最終兩球兵敗西班牙。
2021 年熱刺再次躋身盃賽決賽，與曼城爭奪英格蘭聯賽盃，卻於陣前換帥，辭退領隊摩連奴，如此關鍵時刻出現一個如此突然嘅變動，對球隊嘅影響不言而喻，球隊最終 0:1 不敵曼城亦非意外。
圖片來源：The Telegraph (https://www.telegraph.co.uk/football/2019/07/19/harry-kane-still-not-champions-league-final-defeat/)
眼見昔日隊友如卡爾獲加 (Kyle Waker)、艾歷臣 (Christian Eriksen)、尼當比利 (Tanguy Ndombele) 等人離隊後紛紛可以一嚐冠軍滋味，今季租借至西維爾嘅基爾 (Bryan Gil) 亦與舊隊友拉美拿 (Erik Lamela) 高舉歐霸盃，哈利簡尼可謂百般滋味在心頭。
轉眼又踢完一季，熱刺再次四大皆空，但綜觀全季哈利簡尼依舊表現出色，喺聯賽攻入 30 球並取得 3 個助攻，參與咗球隊接近一半嘅入球數量，而 30 個入球呢個數字放眼近四季都係足以奪得英超神射手嘅紀錄，只係今季有個更強大嘅入球機器夏蘭特 (Erling Håland) 先令佢同神射手寶座擦身而過。喺上季英超神射手孫興慜 (Son Heung-Min) 今季表現跌 watt、古路錫夫斯基 (Dejan Kulusevski) 受傷患困擾、列查利臣 (Richarlison) 作用有限嘅情況下，哈利簡尼再次撐起熱刺踢完一季。
執筆之時傳出德甲班霸拜仁慕尼黑有意收購哈利簡尼嘅消息，對哈利簡尼而言絕對係追逐冠軍嘅好機會，而熱刺願意放人嘅機會亦唔細，畢竟哈利簡尼同熱刺只係剩低一年合約，若然雙方唔續約嘅話下年哈利簡尼就可以以自由身轉會。為咗避免人財兩失，熱刺必定會審慎考慮拜仁嘅報價，而相信拜仁亦願意而且有能力提出一份另雙方都滿意嘅報價，促成轉會。
圖片來源：The Sun (https://www.thesun.co.uk/sport/20603017/bayern-munich-harry-kane-transfer-tottenham/)
世界很大 還很大
可以的 你可以有更好的
《相信一切是最好的安排》 - 陳蕾
資料來源
Transfermarkt (https://www.transfermarkt.com/harry-kane/profil/spieler/132098)
請按此登錄後留言。未成為會員? 立即註冊