圖片來源：東網 (https://hk.on.cc/hk/bkn/cnt/sport/20201201/bkn-20201201225005599-1201_00882_001.html)
由於政府再次收緊社交距離措施及疫情嚴峻嘅關係，早前足總宣佈今季港超聯及所有盃賽餘下賽事都會取消，係港超聯連續第三季未能順利完成球季。
當世界各國開始要「與病毒共存」，各地球賽仍然進行得如火如荼之時，香港則反其道而行，然而，世界並唔會等人。雖然港超球季腰斬，但香港隊及香港球會仍有國際賽事要參加，傑志 4 月要參加亞冠、香港隊 6 月要參加亞洲盃外圍賽，而東方、理文亦有亞協賽事要踢。但現時防疫措施有效期最少都去到 4 月中，更未知會唔會延長，球隊根本無法進行操練備戰賽事。日前傑志就宣佈將於 3 月 10 日啓程前往泰國集訓，備戰亞冠盃賽事，進行訓練之餘亦會與當地球隊進行友誼賽，務求於亞冠盃分組賽前重拾比賽狀態，力爭佳績。
圖片來源：傑志官方 Facebook 專頁 (https://www.facebook.com/kitchee.sc/)
喺本港體育場地重開遙遙無期嘅情況下，海外集訓或者係球隊現時唯一可行嘅解決方法。自從一月初嘅菁英盃後港超球隊就再冇比賽，隨住疫情日益嚴重，唔同球隊都被逼暫停操練，要重新提升體能、狀態等等應付亞洲賽事需要一定時間；而且，到海外集訓除咗可以重新訓練之外，亦可以與其他國家嘅球隊進行友誼賽，需知道海外球隊嘅比賽節奏普遍都比本港球隊快，進行友誼賽有助球隊適應亞洲賽事節奏。
不過球隊營運資金將會係一個主要考慮。經濟不景不在話下，聯賽、盃賽取消亦令球隊失去冠軍獎金及門票收入，令球隊班主大失預算。為咗推動香港足球，確保發展唔會因為疫情而倒退，足總應該向球隊提供資助，補貼球隊開支，否則喺咁嘅環境下，即使來季港超能夠重開，但難保又會出現好似今季有球隊退賽、直至最後一刻先湊夠球隊開波嘅窘境。
資料來源
傑志官方 Facebook 專頁 (https://www.facebook.com/kitchee.sc/)
香港足總網頁 (https://www.hkfa.com/)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/https://www.instagram.com/blacksontalkball/
由於政府再次收緊社交距離措施及疫情嚴峻嘅關係，早前足總宣佈今季港超聯及所有盃賽餘下賽事都會取消，係港超聯連續第三季未能順利完成球季。
當世界各國開始要「與病毒共存」，各地球賽仍然進行得如火如荼之時，香港則反其道而行，然而，世界並唔會等人。雖然港超球季腰斬，但香港隊及香港球會仍有國際賽事要參加，傑志 4 月要參加亞冠、香港隊 6 月要參加亞洲盃外圍賽，而東方、理文亦有亞協賽事要踢。但現時防疫措施有效期最少都去到 4 月中，更未知會唔會延長，球隊根本無法進行操練備戰賽事。日前傑志就宣佈將於 3 月 10 日啓程前往泰國集訓，備戰亞冠盃賽事，進行訓練之餘亦會與當地球隊進行友誼賽，務求於亞冠盃分組賽前重拾比賽狀態，力爭佳績。
圖片來源：傑志官方 Facebook 專頁 (https://www.facebook.com/kitchee.sc/)
喺本港體育場地重開遙遙無期嘅情況下，海外集訓或者係球隊現時唯一可行嘅解決方法。自從一月初嘅菁英盃後港超球隊就再冇比賽，隨住疫情日益嚴重，唔同球隊都被逼暫停操練，要重新提升體能、狀態等等應付亞洲賽事需要一定時間；而且，到海外集訓除咗可以重新訓練之外，亦可以與其他國家嘅球隊進行友誼賽，需知道海外球隊嘅比賽節奏普遍都比本港球隊快，進行友誼賽有助球隊適應亞洲賽事節奏。
不過球隊營運資金將會係一個主要考慮。經濟不景不在話下，聯賽、盃賽取消亦令球隊失去冠軍獎金及門票收入，令球隊班主大失預算。為咗推動香港足球，確保發展唔會因為疫情而倒退，足總應該向球隊提供資助，補貼球隊開支，否則喺咁嘅環境下，即使來季港超能夠重開，但難保又會出現好似今季有球隊退賽、直至最後一刻先湊夠球隊開波嘅窘境。
資料來源
傑志官方 Facebook 專頁 (https://www.facebook.com/kitchee.sc/)
香港足總網頁 (https://www.hkfa.com/)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/https://www.instagram.com/blacksontalkball/
請按此登錄後留言。未成為會員? 立即註冊