圖片來源：傑志官方 Facebook Page (https://www.facebook.com/kitchee.sc/photos/a.415523421892650/4130073177104304/)
喺啱啱嘅菁英盃賽事，傑志下半場連入三球大勝標準流浪，當中下半場後備入替嘅陳晉一喺前線極具威脅，更喺 67 分鐘策動反擊後推過對方門將射入，取得佢傷癒復出後首個入球，實在可喜可賀。
現時效力傑志嘅「一仔」陳晉一速度快，擅於而且敢於盤扭突破，傳中及處理死球都好有質素，喺球會主要踢左翼或左閘嘅位置。雖然佢只有 19 歲，但已經係隊中不可或缺嘅一員，係球隊重點培訓對象；同時佢亦已經喺港隊各個梯隊包括 U17、U20、U23 及香港隊上陣，當中更喺今年 6 月舉行嘅三場世界盃亞洲區外圍賽中踢足 270 分鐘，前途可謂無可限量。
嶄露頭角「一仔」喺 2018-19 球季開始為傑志一隊上陣，主要出戰菁英盃賽事，喺 4 場比賽中擔任 3 場正選，並收穫 1 個助攻；該球季佢亦迎來第一次港超聯上陣同第一次港超聯正選上陣，更喺亞冠盃外圍賽中正選上陣，雖然未有踢足全場，但仍然收穫到一次寶貴嘅亞洲賽經驗。
大展拳腳
港超聯 2019-20 球季係「一仔」初露鋒芒之時。當時正值疫情肆虐之時，港超聯球季被逼喺 2 月、3 月兩度暫停。喺第一次暫停後足總首先安排菁英盃以閉門作賽嘅形式進行，「一仔」喺菁英盃賽事悉數上陣並憑住穩定、出色嘅表現榮膺當季菁英盃最佳球員。而佢喺菁英盃出色嘅表現亦成功為佢爭得傑志嘅正選席位，復賽後參與咗大部份嘅比賽，成功取得佢喺港超聯嘅首個入球、首個助攻，更喺賽季結束後收到克羅地亞班霸薩格勒布戴拿模 (Dinamo Zagreb) 邀請，於疫情過後到當地跟隨球隊參與為期兩星期嘅訓練。圖片來源：傑志官方 Facebook Page (https://www.facebook.com/kitchee.sc/photos/pcb.4113334908778131/4113418445436444/)
傷患困擾
可惜 2020-21 球季開始後疫情仍然肆虐，加上其後「一仔」膝部受傷，外流之行始終未能成事。同時因為呢次受傷「一仔」亦失去咗聯賽正選席位，畢竟傑志隊內出色球員眾多，競爭激烈，要爭到正選一席並非易事。傷癒後嘅「一仔」仍然有參與當季港超全部賽事，不過就全部都係後備上陣，透過適度嘅比賽重新適應比賽，拾回狀態。
浴火重生
2021-22 球季嘅港超聯經歷球隊欠薪、退賽嘅風波後終於順利喺 9 月 18 日由菁英盃賽事揭開序幕。喺過去 3 場菁英盃比賽中「一仔」都有上陣，其中兩場更踢足全場，而剩低嘅一場就係上文提及傑志對標準流浪嘅一場，「一仔」後備上陣並成功為球隊先開紀錄。
希望「一仔」喺嚟緊嘅比賽可以維持火熱嘅狀態，並將佢出色嘅表現延續到即將開始嘅聯賽賽事，繼續喺球場上飛翔。
截圖來源：傑志官方 Facebook Page (https://www.facebook.com/kitchee.sc/photos/a.415523421892650/4117523338359288/)
資料來源
Transfermarkt (https://www.transfermarkt.com/shinichi-chan/profil/spieler/648028)
體路 Sportsroad (https://www.sportsroad.hk/archives/314672)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！(https://www.facebook.com/blacksontalkball/)
喺啱啱嘅菁英盃賽事，傑志下半場連入三球大勝標準流浪，當中下半場後備入替嘅陳晉一喺前線極具威脅，更喺 67 分鐘策動反擊後推過對方門將射入，取得佢傷癒復出後首個入球，實在可喜可賀。
現時效力傑志嘅「一仔」陳晉一速度快，擅於而且敢於盤扭突破，傳中及處理死球都好有質素，喺球會主要踢左翼或左閘嘅位置。雖然佢只有 19 歲，但已經係隊中不可或缺嘅一員，係球隊重點培訓對象；同時佢亦已經喺港隊各個梯隊包括 U17、U20、U23 及香港隊上陣，當中更喺今年 6 月舉行嘅三場世界盃亞洲區外圍賽中踢足 270 分鐘，前途可謂無可限量。
嶄露頭角「一仔」喺 2018-19 球季開始為傑志一隊上陣，主要出戰菁英盃賽事，喺 4 場比賽中擔任 3 場正選，並收穫 1 個助攻；該球季佢亦迎來第一次港超聯上陣同第一次港超聯正選上陣，更喺亞冠盃外圍賽中正選上陣，雖然未有踢足全場，但仍然收穫到一次寶貴嘅亞洲賽經驗。
大展拳腳
港超聯 2019-20 球季係「一仔」初露鋒芒之時。當時正值疫情肆虐之時，港超聯球季被逼喺 2 月、3 月兩度暫停。喺第一次暫停後足總首先安排菁英盃以閉門作賽嘅形式進行，「一仔」喺菁英盃賽事悉數上陣並憑住穩定、出色嘅表現榮膺當季菁英盃最佳球員。而佢喺菁英盃出色嘅表現亦成功為佢爭得傑志嘅正選席位，復賽後參與咗大部份嘅比賽，成功取得佢喺港超聯嘅首個入球、首個助攻，更喺賽季結束後收到克羅地亞班霸薩格勒布戴拿模 (Dinamo Zagreb) 邀請，於疫情過後到當地跟隨球隊參與為期兩星期嘅訓練。圖片來源：傑志官方 Facebook Page (https://www.facebook.com/kitchee.sc/photos/pcb.4113334908778131/4113418445436444/)
傷患困擾
可惜 2020-21 球季開始後疫情仍然肆虐，加上其後「一仔」膝部受傷，外流之行始終未能成事。同時因為呢次受傷「一仔」亦失去咗聯賽正選席位，畢竟傑志隊內出色球員眾多，競爭激烈，要爭到正選一席並非易事。傷癒後嘅「一仔」仍然有參與當季港超全部賽事，不過就全部都係後備上陣，透過適度嘅比賽重新適應比賽，拾回狀態。
浴火重生
2021-22 球季嘅港超聯經歷球隊欠薪、退賽嘅風波後終於順利喺 9 月 18 日由菁英盃賽事揭開序幕。喺過去 3 場菁英盃比賽中「一仔」都有上陣，其中兩場更踢足全場，而剩低嘅一場就係上文提及傑志對標準流浪嘅一場，「一仔」後備上陣並成功為球隊先開紀錄。
希望「一仔」喺嚟緊嘅比賽可以維持火熱嘅狀態，並將佢出色嘅表現延續到即將開始嘅聯賽賽事，繼續喺球場上飛翔。
截圖來源：傑志官方 Facebook Page (https://www.facebook.com/kitchee.sc/photos/a.415523421892650/4117523338359288/)
資料來源
Transfermarkt (https://www.transfermarkt.com/shinichi-chan/profil/spieler/648028)
體路 Sportsroad (https://www.sportsroad.hk/archives/314672)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！(https://www.facebook.com/blacksontalkball/)
請按此登錄後留言。未成為會員? 立即註冊