圖片來源：Sky Sports
經過一星期嘅國際賽期後，英超終於重燃戰火，但有關國際賽嘅風波就仲未平息。
喺啱啱過去嘅國際賽期，英超部分球會因考慮到疫情及相關隔離政策而拒絕球員代表國家隊出賽，當中就包括咗 9 名巴西球員。巴西因此按條例向國際足協申請禁賽令禁止呢啲球員喺嚟緊 5 日出賽，當中包括今個星期嘅英超比賽，甚至係周中嘅歐聯分組賽。
禁賽球員名單
車路士
泰亞高施華 Thiago Silva
列斯聯
拉芬拿 Raphinha
利物浦
艾利臣 Alisson Becker法賓奴 Fabinho
費明奴 Roberto Firmino
曼城
艾達臣 Ederson
加比爾捷西斯 Gabriel Jesus
曼聯
費特 Fred
有趣嘅係，雖然效力愛華頓嘅李察利臣 (Richarlison) 係其中一個不獲球會放行嘅球員，但巴西方面好似睇在佢係奧運足球隊奪金一員嘅份上網開一面、特事特辦，所以佢並唔喺以上禁賽名單之內。
雖然有傳英超賽會正係同巴西、國際足協方面斡旋，希望尋求解決方案，但若然最後真係執行禁賽令，上述球會會受到幾大影響呢？
車路士
筆者相信車路士會係受影響最少嘅一隊。車路士喺過去兩場嘅英超賽事都由魯迪加 (Antonio Rüdiger) 、基斯甸臣 (Andreas Christensen) 、艾斯比列古達 (Cesar Azpilicueta) 擔任正選中堅，第一場更由查洛巴 (Trevoh Chalobah) 出任；相反泰亞高施華只錄得一場後備上陣，可見今季佢並唔係球隊主力中堅。雖然球隊周中要出戰歐聯，體力可能係一個隱憂，但相信呢方面只有年屆 32 歲嘅隊長艾斯比列古達需要擔心，對於其餘幾位當打嘅中堅並唔係大問題，相信呢個問題可以透過球員輪換解決。
再者，車路士今輪英超嘅對手阿士東維拉亦面對類似問題，龍門馬天尼斯 (Emiliano Martinez) 、中場貝安迪亞 (Emiliano Buendia) 因為代表完阿根廷出戰國際賽後返英國需要接受隔離，將會缺席今個星期英超賽事，令維拉實力大受影響，畢竟前者係後防定海神針，而後者喺維拉進攻上亦擔任一個重要角色。車路士雖然缺少咗泰亞高施華，但主場面對缺少主力嘅維拉要全取三分亦唔係想像中咁難。
利物浦
法賓奴缺陣尚且有泰亞高 (Thiago Alcántara) 或佐敦軒達臣 (Jordan Henderson) 填補位置，而費明奴缺陣亦有祖達 (Diogo Jota) 擔起進攻重任，中前場嘅實力唔會受太大影響；但艾利臣缺陣相信就令高普頭痕、球迷擔心喇。一提起利物浦後備龍門阿祖安 (Adrián) ，相信各位都只會諗起佢嘅種種失誤，同「穩陣」兩個字完全談不上。至於第三門將基拿夏 (Caoimhín Kelleher) 嘅表現又會係點呢？或者一向敢於用年青球員嘅高普今場就會派出基拿夏把守最後一關，而喺雲迪克 (Virgil van Dijk) 及其帶領嘅後防線協助、提場之下，相信基拿夏亦能有一定水準嘅表現。
列斯聯
拉芬拿作為列斯聯進攻中嘅重要一員，佢嘅缺陣必然會影響球隊進攻表現，因為呢位球員嘅盤扭、入楔、射門及處理死球嘅能力都好有威脅。慶幸嘅係列斯聯唔需要參加歐洲賽，而且球員冇咩傷停問題，陣中人腳尚算完整，即使拉芬拿缺陣都仍然有夏利遜 (Jack Harrison) 等球員代替，但相信要喺利物浦身上搶分都有一定難度。
曼城
雖然加比爾捷西斯缺陣，但筆者認為對曼城嚟講都唔會有太大影響，因為曼城進攻球員人腳實在非常充裕，馬列斯 (Riyad Mahrez) 、史達寧 (Raheem Sterling) 、費蘭托利斯 (Ferran Torres) 等等都係獨當一面嘅進攻猛將。而且喺主打無鋒陣同埋每位球員都好熟悉、理解呢套戰術嘅情況下，即使缺少咗加比爾捷西斯，曼城嘅攻力都唔會下降。
反而艾達臣嘅缺陣或者會令曼城球迷有啲擔心，因為佢哋星期六將要面對李斯特城。雖然後備門將史提芬 (Zack Steffen) 亦有一定實力，但要面對擅長打反擊嘅李斯特城，相信曼城後防會受到唔少考驗；加上李斯特城前鋒華迪 (Jamie Vardy) 走位靈活、把握力強，曼城要保持不失實在有難度。
曼聯
對於原本已經缺少防中嘅曼聯嚟講，費特嘅 5 日缺陣將會令曼聯人手捉襟見肘。費特缺陣加上麥湯文尼 (Scott McTominay) 受傷缺陣復出無期，相信曼聯今場會排出 4-2-3-1 陣式，由馬迪 (Nemanja Matić) 、普巴 (Paul Pogba) 鎮守中場。但根據過往經驗已經唔只一次顯示出馬迪未能踢足全場，通常踢到約 70 分鐘時表現就會有明顯下滑，今個星期更要面臨一周雙賽，到底領隊蘇斯克查會點樣安排人手能夠應付兩條戰線，確保球隊表現呢？
經過一星期嘅國際賽期後，英超終於重燃戰火，但有關國際賽嘅風波就仲未平息。
喺啱啱過去嘅國際賽期，英超部分球會因考慮到疫情及相關隔離政策而拒絕球員代表國家隊出賽，當中就包括咗 9 名巴西球員。巴西因此按條例向國際足協申請禁賽令禁止呢啲球員喺嚟緊 5 日出賽，當中包括今個星期嘅英超比賽，甚至係周中嘅歐聯分組賽。
禁賽球員名單
車路士
泰亞高施華 Thiago Silva
列斯聯
拉芬拿 Raphinha
利物浦
艾利臣 Alisson Becker法賓奴 Fabinho
費明奴 Roberto Firmino
曼城
艾達臣 Ederson
加比爾捷西斯 Gabriel Jesus
曼聯
費特 Fred
有趣嘅係，雖然效力愛華頓嘅李察利臣 (Richarlison) 係其中一個不獲球會放行嘅球員，但巴西方面好似睇在佢係奧運足球隊奪金一員嘅份上網開一面、特事特辦，所以佢並唔喺以上禁賽名單之內。
雖然有傳英超賽會正係同巴西、國際足協方面斡旋，希望尋求解決方案，但若然最後真係執行禁賽令，上述球會會受到幾大影響呢？
車路士
筆者相信車路士會係受影響最少嘅一隊。車路士喺過去兩場嘅英超賽事都由魯迪加 (Antonio Rüdiger) 、基斯甸臣 (Andreas Christensen) 、艾斯比列古達 (Cesar Azpilicueta) 擔任正選中堅，第一場更由查洛巴 (Trevoh Chalobah) 出任；相反泰亞高施華只錄得一場後備上陣，可見今季佢並唔係球隊主力中堅。雖然球隊周中要出戰歐聯，體力可能係一個隱憂，但相信呢方面只有年屆 32 歲嘅隊長艾斯比列古達需要擔心，對於其餘幾位當打嘅中堅並唔係大問題，相信呢個問題可以透過球員輪換解決。
再者，車路士今輪英超嘅對手阿士東維拉亦面對類似問題，龍門馬天尼斯 (Emiliano Martinez) 、中場貝安迪亞 (Emiliano Buendia) 因為代表完阿根廷出戰國際賽後返英國需要接受隔離，將會缺席今個星期英超賽事，令維拉實力大受影響，畢竟前者係後防定海神針，而後者喺維拉進攻上亦擔任一個重要角色。車路士雖然缺少咗泰亞高施華，但主場面對缺少主力嘅維拉要全取三分亦唔係想像中咁難。
利物浦
法賓奴缺陣尚且有泰亞高 (Thiago Alcántara) 或佐敦軒達臣 (Jordan Henderson) 填補位置，而費明奴缺陣亦有祖達 (Diogo Jota) 擔起進攻重任，中前場嘅實力唔會受太大影響；但艾利臣缺陣相信就令高普頭痕、球迷擔心喇。一提起利物浦後備龍門阿祖安 (Adrián) ，相信各位都只會諗起佢嘅種種失誤，同「穩陣」兩個字完全談不上。至於第三門將基拿夏 (Caoimhín Kelleher) 嘅表現又會係點呢？或者一向敢於用年青球員嘅高普今場就會派出基拿夏把守最後一關，而喺雲迪克 (Virgil van Dijk) 及其帶領嘅後防線協助、提場之下，相信基拿夏亦能有一定水準嘅表現。
列斯聯
拉芬拿作為列斯聯進攻中嘅重要一員，佢嘅缺陣必然會影響球隊進攻表現，因為呢位球員嘅盤扭、入楔、射門及處理死球嘅能力都好有威脅。慶幸嘅係列斯聯唔需要參加歐洲賽，而且球員冇咩傷停問題，陣中人腳尚算完整，即使拉芬拿缺陣都仍然有夏利遜 (Jack Harrison) 等球員代替，但相信要喺利物浦身上搶分都有一定難度。
曼城
雖然加比爾捷西斯缺陣，但筆者認為對曼城嚟講都唔會有太大影響，因為曼城進攻球員人腳實在非常充裕，馬列斯 (Riyad Mahrez) 、史達寧 (Raheem Sterling) 、費蘭托利斯 (Ferran Torres) 等等都係獨當一面嘅進攻猛將。而且喺主打無鋒陣同埋每位球員都好熟悉、理解呢套戰術嘅情況下，即使缺少咗加比爾捷西斯，曼城嘅攻力都唔會下降。
反而艾達臣嘅缺陣或者會令曼城球迷有啲擔心，因為佢哋星期六將要面對李斯特城。雖然後備門將史提芬 (Zack Steffen) 亦有一定實力，但要面對擅長打反擊嘅李斯特城，相信曼城後防會受到唔少考驗；加上李斯特城前鋒華迪 (Jamie Vardy) 走位靈活、把握力強，曼城要保持不失實在有難度。
曼聯
對於原本已經缺少防中嘅曼聯嚟講，費特嘅 5 日缺陣將會令曼聯人手捉襟見肘。費特缺陣加上麥湯文尼 (Scott McTominay) 受傷缺陣復出無期，相信曼聯今場會排出 4-2-3-1 陣式，由馬迪 (Nemanja Matić) 、普巴 (Paul Pogba) 鎮守中場。但根據過往經驗已經唔只一次顯示出馬迪未能踢足全場，通常踢到約 70 分鐘時表現就會有明顯下滑，今個星期更要面臨一周雙賽，到底領隊蘇斯克查會點樣安排人手能夠應付兩條戰線，確保球隊表現呢？
請按此登錄後留言。未成為會員? 立即註冊