圖片來源：英超官方網站 (https://www.premierleague.com/match/74959)
筆者執筆之時，夏蘭特 (Erling Håland) 已經喺連續兩場英超賽事取得帽子戲法，分別協助球隊以 4:2 反勝水晶宮及 6 球大炒諾定咸森林。
眾所周知，曼城崇尚傳控踢法及無鋒陣，喺場上冇一個正式中鋒嘅情況下，中前場球員透過不斷走位、入楔並輪流出現喺中鋒位置擔任中鋒角色，拉扯對手防線，從而創造空位射門。不過有時睇曼城嘅比賽就會發現當佢哋搓到入 half space 或禁區嘅時候，小禁區或十二碼點附近位置冇球員接應，又或者被對方球員貼身防守，令曼城進攻有老鼠拉龜嘅感覺。
圖片來源：英超官方網站 (https://www.premierleague.com/match/74920)
買入夏蘭特正正就係曼城針對以上缺陷嘅收購。雖然佢第一場為曼城上陣出戰社區盾時試過空門唔入，下半場表現亦比較沉寂，但佢喺比賽中都展現出一定嘅走位意識及埋門觸覺。綜觀夏蘭特過去幾場英超比賽嘅表現，佢擁有傳統中鋒嘅特性：對抗性強、習慣出現喺十二碼點附近位置作為球隊嘅箭頭；同時佢亦樂意與隊友換位配合，唔會企死喺同一個位置，加上佢亦有一定速度，大大增加曼城打反擊時嘅威脅，「步大力雄」就係佢嘅寫照。
然而，過去幾季效力多蒙特嘅時候，夏蘭特都有斷斷續續嘅傷患，一季之中總有一兩個月因傷缺陣，或者會成為佢喺穩定性及進步上嘅隱憂。呢樣嘢好取決於哥迪奧拿點樣分配佢嘅上陣時間，而近幾場比賽哥迪奧拿都有喺球隊已經鎖定勝局嘅情況下提早收起夏蘭特，相信就係因為呢個原因。
嚟緊曼城會喺下星期迎戰熱刺及喺下個月對陣利物浦、阿仙奴，屆時將會係夏蘭特真正嘅考驗，同時亦係佢為自己正名嘅機會，各位球迷亦不妨期待一下佢對陣強隊時嘅表現。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
筆者執筆之時，夏蘭特 (Erling Håland) 已經喺連續兩場英超賽事取得帽子戲法，分別協助球隊以 4:2 反勝水晶宮及 6 球大炒諾定咸森林。
眾所周知，曼城崇尚傳控踢法及無鋒陣，喺場上冇一個正式中鋒嘅情況下，中前場球員透過不斷走位、入楔並輪流出現喺中鋒位置擔任中鋒角色，拉扯對手防線，從而創造空位射門。不過有時睇曼城嘅比賽就會發現當佢哋搓到入 half space 或禁區嘅時候，小禁區或十二碼點附近位置冇球員接應，又或者被對方球員貼身防守，令曼城進攻有老鼠拉龜嘅感覺。
圖片來源：英超官方網站 (https://www.premierleague.com/match/74920)
買入夏蘭特正正就係曼城針對以上缺陷嘅收購。雖然佢第一場為曼城上陣出戰社區盾時試過空門唔入，下半場表現亦比較沉寂，但佢喺比賽中都展現出一定嘅走位意識及埋門觸覺。綜觀夏蘭特過去幾場英超比賽嘅表現，佢擁有傳統中鋒嘅特性：對抗性強、習慣出現喺十二碼點附近位置作為球隊嘅箭頭；同時佢亦樂意與隊友換位配合，唔會企死喺同一個位置，加上佢亦有一定速度，大大增加曼城打反擊時嘅威脅，「步大力雄」就係佢嘅寫照。
然而，過去幾季效力多蒙特嘅時候，夏蘭特都有斷斷續續嘅傷患，一季之中總有一兩個月因傷缺陣，或者會成為佢喺穩定性及進步上嘅隱憂。呢樣嘢好取決於哥迪奧拿點樣分配佢嘅上陣時間，而近幾場比賽哥迪奧拿都有喺球隊已經鎖定勝局嘅情況下提早收起夏蘭特，相信就係因為呢個原因。
嚟緊曼城會喺下星期迎戰熱刺及喺下個月對陣利物浦、阿仙奴，屆時將會係夏蘭特真正嘅考驗，同時亦係佢為自己正名嘅機會，各位球迷亦不妨期待一下佢對陣強隊時嘅表現。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊