Photo Credit: Chida Junsei (https://twitter.com/chidajunsei3163)
而 E 至 H 組兩輪過後則有巴西、葡萄牙兩隊全勝之師提早出線，西班牙、比利時、德國則仍然需要為晉級資格而努力。
E 組
最後一輪賽事 (香港時間 12 月 2 號凌晨 3:00)
日本 vs 西班牙
哥斯達黎加 vs 德國
德國兩戰過後只得 1 分，最後一場面對哥斯達黎加必需全取 3 分先能夠保持出線希望。哥斯達黎加經過第一輪 0:7 慘敗後上場及時調整，以強韌嘅防守反擊打敗日本，估計面對德國時都會採取同樣戰術，破密集將會係德國能否贏波嘅關鍵。同時，德國亦要寄望日本輸俾西班牙。日本上輪不敵哥斯達黎加錯失提早出線機會，最後一場面對西班牙要贏波先能夠掌握出線主動權。但要面對世界排名第 7、同樣以控傳踢法為主嘅西班牙，對日本而言絕對係一大挑戰，就睇吓佢哋能唔能夠繼反勝德國後再創奇跡。
F 組
最後一輪賽事 (香港時間 12 月 1 號晚上 11:00)
克羅地亞 vs 比利時
加拿大 vs 摩洛哥
比利時上場 0:2 不敵摩洛哥令出線形勢陷入被動，最後一場面對克羅地亞一定要贏波先可以出線，然而綜觀球隊上兩場表現，似乎進攻球員未在狀態，入肉攻勢有限；加上賽前傳出隊友不和嘅消息，若然屬實，或多或少會影響球隊士氣。反觀克羅地亞兩場比賽都一如預期地控制中場，上場更成功反勝加拿大，士氣高漲。唯一要擔心嘅係體力問題，畢竟佢哋主力球員平均年齡偏高，喺頻密嘅比賽下佢哋嘅體力未必回復至百分百水平，或會影響表現。另一邊廂摩洛哥同樣需要為自 1986 年後再度晉級 16 強而努力，加拿大雖然兩仗皆北提早出局，但佢哋不論面對比利時抑或克羅地亞嘅表現都並唔失禮，絕對有能力成為攔路虎，左右呢組嘅出線形勢。
G 組
最後一輪賽事 (香港時間 12 月 3 號凌晨 3:00)
塞爾維亞 vs 瑞士
喀麥隆 vs 巴西
五屆冠軍巴西兩戰全勝經已穩奪出線資格，最後一輪將會面對喀麥隆。喀麥隆上輪驚險逼和塞爾維亞得以保持出線希望，但今場要面對實力超班嘅巴西，成功偷雞嘅機會實在唔高。同組另一場比賽有瑞士對塞爾維亞，瑞士只要保持不敗就好大機會晉級十六強，要贏波先有機會出線嘅塞爾維亞理論上將會係採取主動嘅一方，但咁樣反而有利踢開防守反擊嘅瑞士發揮。佢哋嘅防守反擊踢法純熟，強如巴西都要到比賽尾段先攻破佢哋大門，以一球小勝，相對之下把握力更差嘅塞爾維亞可能未入到波之前已經被對方反擊得手，形勢並唔樂觀。
H 組
最後一輪賽事 (香港時間 12 月 2 號晚上 11:00)
加納 vs 烏拉圭
南韓 vs 葡萄牙
上輪擊敗烏拉圭後，葡萄牙成為第三隊提早出線嘅球隊，佢哋最後一輪將會面對南韓。南韓喺頭號球星孫興慜 (Son Heung-Min) 狀態不佳嘅情況下，上輪即使有中鋒曹圭成 (Cho Gue-sung) 挺身而出，都不足以力挽狂瀾，最終以 2:3 不敵加納，出線形勢陷入被動，即使能夠擊敗葡萄牙全取 3 分，都仲要視乎同組另一場賽事 - 加納對烏拉圭嘅賽果先決定到出晉級資格誰屬。卡雲尼 (Edinson Cavani)、蘇亞雷斯 (Luis Suárez)、華維迪 (Federico Valverde)、紐尼斯 (Darwin Núñez)……中前場人腳唔差嘅烏拉圭今屆卻仍然未喺世界盃分組賽入波，下場面對加納將會係佢哋嘅最後機會，畢竟加納踢法大開大合，兩場賽事面對葡萄牙、南韓合共攻入 5 球同時亦失咗 5 球，烏拉圭需要放手一搏先能夠保持出線希望。
圖片來源
Livescore (https://www.livescore.com/en/)
千田純生 Twitter (https://twitter.com/chidajunsei3163)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！(*本人並無於 line today 開設專欄)
https://www.facebook.com/blacksontalkball/
https://www.instagram.com/blacksontalkball/
而 E 至 H 組兩輪過後則有巴西、葡萄牙兩隊全勝之師提早出線，西班牙、比利時、德國則仍然需要為晉級資格而努力。
E 組
最後一輪賽事 (香港時間 12 月 2 號凌晨 3:00)
日本 vs 西班牙
哥斯達黎加 vs 德國
德國兩戰過後只得 1 分，最後一場面對哥斯達黎加必需全取 3 分先能夠保持出線希望。哥斯達黎加經過第一輪 0:7 慘敗後上場及時調整，以強韌嘅防守反擊打敗日本，估計面對德國時都會採取同樣戰術，破密集將會係德國能否贏波嘅關鍵。同時，德國亦要寄望日本輸俾西班牙。日本上輪不敵哥斯達黎加錯失提早出線機會，最後一場面對西班牙要贏波先能夠掌握出線主動權。但要面對世界排名第 7、同樣以控傳踢法為主嘅西班牙，對日本而言絕對係一大挑戰，就睇吓佢哋能唔能夠繼反勝德國後再創奇跡。
F 組
最後一輪賽事 (香港時間 12 月 1 號晚上 11:00)
克羅地亞 vs 比利時
加拿大 vs 摩洛哥
比利時上場 0:2 不敵摩洛哥令出線形勢陷入被動，最後一場面對克羅地亞一定要贏波先可以出線，然而綜觀球隊上兩場表現，似乎進攻球員未在狀態，入肉攻勢有限；加上賽前傳出隊友不和嘅消息，若然屬實，或多或少會影響球隊士氣。反觀克羅地亞兩場比賽都一如預期地控制中場，上場更成功反勝加拿大，士氣高漲。唯一要擔心嘅係體力問題，畢竟佢哋主力球員平均年齡偏高，喺頻密嘅比賽下佢哋嘅體力未必回復至百分百水平，或會影響表現。另一邊廂摩洛哥同樣需要為自 1986 年後再度晉級 16 強而努力，加拿大雖然兩仗皆北提早出局，但佢哋不論面對比利時抑或克羅地亞嘅表現都並唔失禮，絕對有能力成為攔路虎，左右呢組嘅出線形勢。
G 組
最後一輪賽事 (香港時間 12 月 3 號凌晨 3:00)
塞爾維亞 vs 瑞士
喀麥隆 vs 巴西
五屆冠軍巴西兩戰全勝經已穩奪出線資格，最後一輪將會面對喀麥隆。喀麥隆上輪驚險逼和塞爾維亞得以保持出線希望，但今場要面對實力超班嘅巴西，成功偷雞嘅機會實在唔高。同組另一場比賽有瑞士對塞爾維亞，瑞士只要保持不敗就好大機會晉級十六強，要贏波先有機會出線嘅塞爾維亞理論上將會係採取主動嘅一方，但咁樣反而有利踢開防守反擊嘅瑞士發揮。佢哋嘅防守反擊踢法純熟，強如巴西都要到比賽尾段先攻破佢哋大門，以一球小勝，相對之下把握力更差嘅塞爾維亞可能未入到波之前已經被對方反擊得手，形勢並唔樂觀。
H 組
最後一輪賽事 (香港時間 12 月 2 號晚上 11:00)
加納 vs 烏拉圭
南韓 vs 葡萄牙
上輪擊敗烏拉圭後，葡萄牙成為第三隊提早出線嘅球隊，佢哋最後一輪將會面對南韓。南韓喺頭號球星孫興慜 (Son Heung-Min) 狀態不佳嘅情況下，上輪即使有中鋒曹圭成 (Cho Gue-sung) 挺身而出，都不足以力挽狂瀾，最終以 2:3 不敵加納，出線形勢陷入被動，即使能夠擊敗葡萄牙全取 3 分，都仲要視乎同組另一場賽事 - 加納對烏拉圭嘅賽果先決定到出晉級資格誰屬。卡雲尼 (Edinson Cavani)、蘇亞雷斯 (Luis Suárez)、華維迪 (Federico Valverde)、紐尼斯 (Darwin Núñez)……中前場人腳唔差嘅烏拉圭今屆卻仍然未喺世界盃分組賽入波，下場面對加納將會係佢哋嘅最後機會，畢竟加納踢法大開大合，兩場賽事面對葡萄牙、南韓合共攻入 5 球同時亦失咗 5 球，烏拉圭需要放手一搏先能夠保持出線希望。
圖片來源
Livescore (https://www.livescore.com/en/)
千田純生 Twitter (https://twitter.com/chidajunsei3163)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！(*本人並無於 line today 開設專欄)
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊