圖片來源：Sky Sports (https://www.skysports.com/football/manchester-united-vs-arsenal/446421)
踏入 12 月，英超賽事開始出現周中快車嘅賽事，今個星期嘅周中賽事尾場就有曼聯主場大戰阿仙奴。
由於蘭歷克尚未獲得工作簽證，故此曼聯今場繼續由卡域克領軍，以 4-2-3-1 出戰。隊長麥佳亞停賽期滿復出，與泰利斯、連迪洛夫及今季鮮有正選上陣機會嘅達洛特合組四人防線；中場方面有 McFred 組合，左右翼及進攻中場分別為辛祖、拉舒福特、般奴費蘭迪斯，支援今場復任正選前鋒嘅 C 朗。
曼聯正選陣容
GK 1 迪基亞 David de Gea
LB 27泰利斯 Alex Telles
CB 5 麥佳亞 Harry MaguireCB 2 連迪洛夫 Victor Lindelöf
RB 20達洛特 Diogo Dalot
CDM17費特 Fred
CDM39麥湯文尼 Scott McTominay
LM 25辛祖 Jadon Sancho
CAM18般奴費蘭迪斯 Bruno Fernandes (90’ 由雲迪碧克 Donny van de Beek 入替)
RM 10拉舒福特 Marcus Rashford (79’ 由連加特 Jesse Lingard 入替)
FW 7 C 朗拿度 Cristiano Ronaldo (88’ 由馬斯亞 Anthony Martial 入替)
阿仙奴今場同樣以 4-2-3-1 出戰，四人防線沿用過往幾場嘅人腳並無變動；中場方面則有艾蘭尼取代上場正選上陣嘅洛岡加 (Albert Sambi Lokonga) 夥拍帕迪，同時馬天尼利亦代替沙卡出任正選，與史密夫路、奧迪加特、奧巴美揚合作攻堅。
阿仙奴正選陣容
GK32藍斯度 Aaron Ramsdale
LB 20泰華利斯 Nuno Tavares
CB 6 加比爾 Gabriel
CB 4 賓韋特 Ben White
RB 18富安健洋 Takehiro Tomiyasu
CDM5帕迪 Thomas Partey
CDM25艾蘭尼 Mohamed Elneny
LM 10史密夫路 Emile Smith-Rowe (70’ 由沙卡 Bukayo Saka 入替)
CAM8奧迪加特 Martin Ødegaard (79’ 由尼基迪亞 Edward Nketiah 入替)
RM 35馬天尼利 Gabriel Martinelli
FW 14奧巴美揚 Pierre-Emerick Aubameyang (79’ 由拿卡錫迪 Alexandre Lacazette 入替)
曼聯 – 兩翼側擊圖片來源：英超官方網站 (https://www.premierleague.com/match/66475)
今場曼聯攻勢集中喺左右兩邊，而佢哋所攻入嘅三個入球都正正係由邊路策動而嚟。曼聯陣容牌面上係 4-2-3-1，但進攻時偏向 4-3-3，多數都只會留麥湯文尼一個人逗住中場，費特則會前插向對手 half space 進攻，配合左閘、左翼嘗試 overload 對手邊路防線，同樣地，作為進攻中場嘅般奴費蘭迪斯喺另一邊 half space 亦會做同樣嘅事製造威脅。
圖片來源：曼聯官方 YouTube (https://www.youtube.com/watch?v=PUdemKYW6QE)
例如上圖所示曼聯攻入扳平一球嘅攻勢，雖然並無左閘泰利斯上前 overload 助攻嘅身影，但仍然可以見到曼聯今場主打邊路 overload 嘅戰術。作為右翼嘅拉舒福特同進攻中場般奴換位後，再走到左路配合辛祖 overload 阿仙奴右閘富安健洋，同時亦吸引到對手防中帕迪嘅注意力，令費特有機可乘能夠插入 half space 位置，接應辛祖傳送，再 draw 埋阿仙奴另一位防中艾蘭尼過嚟防守，般奴就得以把握對方所有防守球員嘅目光都集中喺費特身上嘅時機，退後現位接應費特傳球撞射得手。
除咗上面提到中場有更多更有效嘅參與外，後場組織亦見改善，兩名中堅麥佳亞、連迪洛夫都有拉得更闊與門將呈三中堅企位去開始 build up，亦少咗好似之前對利物浦、曼城時咁多被逼甩嘅情況。
雖然進攻上有改善，但防守上仍然有啲地方需要留意。以阿仙奴第二個入球為例，當時阿仙奴原本正從左邊進攻，然後一個轉邊搵到右翼馬天尼利，佢傳中 cut back 到 12 碼點附近位置，奧迪加特接近無人看管下輕鬆撞射得手。當對手翼鋒沿邊路推進時，四後衛防線被逼要跟住向後退，而且對邊防守必定空虛，而今次失球就係因為一對防中跟唔切退後嘅速度令中場線與後防線之間暴露咗太多空位 (即 12 碼點附近位置)，同時防守上冇人注意到馬天尼利嘅位置，導致呢個入球。
阿仙奴 – 快速轉邊
圖片來源：英超官方網站 (https://www.premierleague.com/match/66475)
阿仙奴今場亦多從邊路進攻，不過相對曼聯以人數優勢直接攻擊邊路，阿仙奴更傾向先從一邊進攻，再透過快速轉邊把握對手對邊防守空虛殺入心臟地帶，製造威脅。上文提及到阿仙奴第二個入球正正就係由呢個模式創造：阿仙奴先從左路組織攻勢，逼使曼聯整體向右移，然後透過中場一腳斜線劏穿曼聯中場搵到右翼馬天尼利，由於當時曼聯整體防線靠右，左閘泰利斯完全失晒位，同時曼聯中場或翼鋒球員亦未有回到咁深協助防守，令馬天尼利有大量時間控定再傳中，成功交俾奧迪加特射入扳平一球。
但同樣地阿仙如亦面對住防守問題：望波唔望人。回顧翻今場佢哋失嘅三球波，都可以見到不論係後衛、防中都會集中喺持球球員，頭兩個失球般奴、C 朗都係只係回後少少就令自己有空位入球，因為防守佢哋嘅球員都將注意力集中喺曼聯持球嘅球員，留意唔到般奴、C 朗嘅移動，當皮球傳向佢哋時，阿仙奴防守球員已經補救唔切，只能眼白白睇住佢哋將個波送入網。而第三球 12 碼則係由費特前插阿仙奴 half space逼使奧迪加特犯規而成：當時曼聯喺左路進攻，費特一路都冇咩跑動，但當佢起動走向 half space 時奧迪加特並冇留意到，到費特過咗自己之後先回身追，結果喺禁區內犯下天條輸 12 碼。
總結
賽後卡域克宣佈離隊，佢喺曼聯嘅助教及代任領隊以 2 勝 1 和嘅不敗戰績作結，其中更戰平車路士，絕對可以昂然離開奧脫福，雖然只係短短三場比賽，但都見到曼聯成隊波都比以往更爽朗直接，且看接下來蘭歷克撞任後又能夠帶嚟咩改變；至於阿仙奴雖然落敗，但其實佢哋今場都能夠創造唔少攻勢，反而喺把握力及防守上需要更多進步，先可以喺英超賽場上收人穫更多勝仗。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
踏入 12 月，英超賽事開始出現周中快車嘅賽事，今個星期嘅周中賽事尾場就有曼聯主場大戰阿仙奴。
由於蘭歷克尚未獲得工作簽證，故此曼聯今場繼續由卡域克領軍，以 4-2-3-1 出戰。隊長麥佳亞停賽期滿復出，與泰利斯、連迪洛夫及今季鮮有正選上陣機會嘅達洛特合組四人防線；中場方面有 McFred 組合，左右翼及進攻中場分別為辛祖、拉舒福特、般奴費蘭迪斯，支援今場復任正選前鋒嘅 C 朗。
曼聯正選陣容
GK 1 迪基亞 David de Gea
LB 27泰利斯 Alex Telles
CB 5 麥佳亞 Harry MaguireCB 2 連迪洛夫 Victor Lindelöf
RB 20達洛特 Diogo Dalot
CDM17費特 Fred
CDM39麥湯文尼 Scott McTominay
LM 25辛祖 Jadon Sancho
CAM18般奴費蘭迪斯 Bruno Fernandes (90’ 由雲迪碧克 Donny van de Beek 入替)
RM 10拉舒福特 Marcus Rashford (79’ 由連加特 Jesse Lingard 入替)
FW 7 C 朗拿度 Cristiano Ronaldo (88’ 由馬斯亞 Anthony Martial 入替)
阿仙奴今場同樣以 4-2-3-1 出戰，四人防線沿用過往幾場嘅人腳並無變動；中場方面則有艾蘭尼取代上場正選上陣嘅洛岡加 (Albert Sambi Lokonga) 夥拍帕迪，同時馬天尼利亦代替沙卡出任正選，與史密夫路、奧迪加特、奧巴美揚合作攻堅。
阿仙奴正選陣容
GK32藍斯度 Aaron Ramsdale
LB 20泰華利斯 Nuno Tavares
CB 6 加比爾 Gabriel
CB 4 賓韋特 Ben White
RB 18富安健洋 Takehiro Tomiyasu
CDM5帕迪 Thomas Partey
CDM25艾蘭尼 Mohamed Elneny
LM 10史密夫路 Emile Smith-Rowe (70’ 由沙卡 Bukayo Saka 入替)
CAM8奧迪加特 Martin Ødegaard (79’ 由尼基迪亞 Edward Nketiah 入替)
RM 35馬天尼利 Gabriel Martinelli
FW 14奧巴美揚 Pierre-Emerick Aubameyang (79’ 由拿卡錫迪 Alexandre Lacazette 入替)
曼聯 – 兩翼側擊圖片來源：英超官方網站 (https://www.premierleague.com/match/66475)
今場曼聯攻勢集中喺左右兩邊，而佢哋所攻入嘅三個入球都正正係由邊路策動而嚟。曼聯陣容牌面上係 4-2-3-1，但進攻時偏向 4-3-3，多數都只會留麥湯文尼一個人逗住中場，費特則會前插向對手 half space 進攻，配合左閘、左翼嘗試 overload 對手邊路防線，同樣地，作為進攻中場嘅般奴費蘭迪斯喺另一邊 half space 亦會做同樣嘅事製造威脅。
圖片來源：曼聯官方 YouTube (https://www.youtube.com/watch?v=PUdemKYW6QE)
例如上圖所示曼聯攻入扳平一球嘅攻勢，雖然並無左閘泰利斯上前 overload 助攻嘅身影，但仍然可以見到曼聯今場主打邊路 overload 嘅戰術。作為右翼嘅拉舒福特同進攻中場般奴換位後，再走到左路配合辛祖 overload 阿仙奴右閘富安健洋，同時亦吸引到對手防中帕迪嘅注意力，令費特有機可乘能夠插入 half space 位置，接應辛祖傳送，再 draw 埋阿仙奴另一位防中艾蘭尼過嚟防守，般奴就得以把握對方所有防守球員嘅目光都集中喺費特身上嘅時機，退後現位接應費特傳球撞射得手。
除咗上面提到中場有更多更有效嘅參與外，後場組織亦見改善，兩名中堅麥佳亞、連迪洛夫都有拉得更闊與門將呈三中堅企位去開始 build up，亦少咗好似之前對利物浦、曼城時咁多被逼甩嘅情況。
雖然進攻上有改善，但防守上仍然有啲地方需要留意。以阿仙奴第二個入球為例，當時阿仙奴原本正從左邊進攻，然後一個轉邊搵到右翼馬天尼利，佢傳中 cut back 到 12 碼點附近位置，奧迪加特接近無人看管下輕鬆撞射得手。當對手翼鋒沿邊路推進時，四後衛防線被逼要跟住向後退，而且對邊防守必定空虛，而今次失球就係因為一對防中跟唔切退後嘅速度令中場線與後防線之間暴露咗太多空位 (即 12 碼點附近位置)，同時防守上冇人注意到馬天尼利嘅位置，導致呢個入球。
阿仙奴 – 快速轉邊
圖片來源：英超官方網站 (https://www.premierleague.com/match/66475)
阿仙奴今場亦多從邊路進攻，不過相對曼聯以人數優勢直接攻擊邊路，阿仙奴更傾向先從一邊進攻，再透過快速轉邊把握對手對邊防守空虛殺入心臟地帶，製造威脅。上文提及到阿仙奴第二個入球正正就係由呢個模式創造：阿仙奴先從左路組織攻勢，逼使曼聯整體向右移，然後透過中場一腳斜線劏穿曼聯中場搵到右翼馬天尼利，由於當時曼聯整體防線靠右，左閘泰利斯完全失晒位，同時曼聯中場或翼鋒球員亦未有回到咁深協助防守，令馬天尼利有大量時間控定再傳中，成功交俾奧迪加特射入扳平一球。
但同樣地阿仙如亦面對住防守問題：望波唔望人。回顧翻今場佢哋失嘅三球波，都可以見到不論係後衛、防中都會集中喺持球球員，頭兩個失球般奴、C 朗都係只係回後少少就令自己有空位入球，因為防守佢哋嘅球員都將注意力集中喺曼聯持球嘅球員，留意唔到般奴、C 朗嘅移動，當皮球傳向佢哋時，阿仙奴防守球員已經補救唔切，只能眼白白睇住佢哋將個波送入網。而第三球 12 碼則係由費特前插阿仙奴 half space逼使奧迪加特犯規而成：當時曼聯喺左路進攻，費特一路都冇咩跑動，但當佢起動走向 half space 時奧迪加特並冇留意到，到費特過咗自己之後先回身追，結果喺禁區內犯下天條輸 12 碼。
總結
賽後卡域克宣佈離隊，佢喺曼聯嘅助教及代任領隊以 2 勝 1 和嘅不敗戰績作結，其中更戰平車路士，絕對可以昂然離開奧脫福，雖然只係短短三場比賽，但都見到曼聯成隊波都比以往更爽朗直接，且看接下來蘭歷克撞任後又能夠帶嚟咩改變；至於阿仙奴雖然落敗，但其實佢哋今場都能夠創造唔少攻勢，反而喺把握力及防守上需要更多進步，先可以喺英超賽場上收人穫更多勝仗。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊