水晶宮 0-0 曼聯|頭三十分鐘隔靴搔癢的攻勢已是全場的精華片段

逼科吹水台 於 04/03/2021 發表 收藏文章
今季曼聯淩晨三四點的賽事好像比以往多,昨晚又是淩晨四點賽事。曼聯作客水晶宮,雖然不是很吸引,但因為期望可以反底,就算唔追貼曼城,都唔好比曼城拋離,唯有爬起身睇睇。

睇左頭十分鐘,後防好唔對路,有兩三球兜口兜面交左個波比水晶宮球員,唔知以為蘇B今場戰術係要先輸一粒,然後激發紅魔X-Factor,再反勝,可惜水晶宮不能把握曼聯頭十分鐘左右的後防混亂。雖然控球比率高過水晶宮,但很多時個波都只係在曼聯的中後場搓,一到前場的時候就好似籃球比賽3秒違例咁,怕逗留禁區太耐,唔太敢再做滲入。其中一球,左路梳爾少有地橫傳地波比到禁區內的拉舒福特,然後起腳射斜了。水晶宮既嚴密佈防,唔會怕呢D明買明賣既攻門,如果拉舒福特可以冷靜D和同在禁區內的卡雲尼做少少配合,機會可能會大D。另一球,B費禁區頂附近接應傳球,然後傳給後上的馬迪遠射,皮球觸及水晶宮球員改變方向出界。B費如果狀態Fit既時候,相信佢係禁區頂附近已經可以施射,或者轉一轉身吸大位施射。睇到呢度已經頂唔順要訓了,今朝起身睇精華,原來之後已經再冇入肉既攻門,還差少少臨天光瀨尿添,好在甸軒達臣冇比場波悶親,醒醒目目咁保住一分。

也許B費真得太累,也許B費要睡一睡~

撰文:費格俊

附精華: https://www.youtube.com/watch?v=cDpYvV1c_gY

如果喜歡我們的文章,請即分享到︰

標籤: 曼聯  B費  

留言


請按此登錄後留言。未成為會員? 立即註冊
    快捷鍵:←
    快捷鍵:→