今季曼聯淩晨三四點的賽事好像比以往多，昨晚又是淩晨四點賽事。曼聯作客水晶宮，雖然不是很吸引，但因為期望可以反底，就算唔追貼曼城，都唔好比曼城拋離，唯有爬起身睇睇。
睇左頭十分鐘，後防好唔對路，有兩三球兜口兜面交左個波比水晶宮球員，唔知以為蘇Ｂ今場戰術係要先輸一粒，然後激發紅魔X-Factor，再反勝，可惜水晶宮不能把握曼聯頭十分鐘左右的後防混亂。雖然控球比率高過水晶宮，但很多時個波都只係在曼聯的中後場搓，一到前場的時候就好似籃球比賽3秒違例咁，怕逗留禁區太耐，唔太敢再做滲入。其中一球，左路梳爾少有地橫傳地波比到禁區內的拉舒福特，然後起腳射斜了。水晶宮既嚴密佈防，唔會怕呢Ｄ明買明賣既攻門，如果拉舒福特可以冷靜Ｄ和同在禁區內的卡雲尼做少少配合，機會可能會大Ｄ。另一球，Ｂ費禁區頂附近接應傳球，然後傳給後上的馬迪遠射，皮球觸及水晶宮球員改變方向出界。Ｂ費如果狀態Fit既時候，相信佢係禁區頂附近已經可以施射，或者轉一轉身吸大位施射。睇到呢度已經頂唔順要訓了，今朝起身睇精華，原來之後已經再冇入肉既攻門，還差少少臨天光瀨尿添，好在甸軒達臣冇比場波悶親，醒醒目目咁保住一分。
也許Ｂ費真得太累，也許Ｂ費要睡一睡～
撰文：費格俊
附精華: https://www.youtube.com/watch?v=cDpYvV1c_gY
睇左頭十分鐘，後防好唔對路，有兩三球兜口兜面交左個波比水晶宮球員，唔知以為蘇Ｂ今場戰術係要先輸一粒，然後激發紅魔X-Factor，再反勝，可惜水晶宮不能把握曼聯頭十分鐘左右的後防混亂。雖然控球比率高過水晶宮，但很多時個波都只係在曼聯的中後場搓，一到前場的時候就好似籃球比賽3秒違例咁，怕逗留禁區太耐，唔太敢再做滲入。其中一球，左路梳爾少有地橫傳地波比到禁區內的拉舒福特，然後起腳射斜了。水晶宮既嚴密佈防，唔會怕呢Ｄ明買明賣既攻門，如果拉舒福特可以冷靜Ｄ和同在禁區內的卡雲尼做少少配合，機會可能會大Ｄ。另一球，Ｂ費禁區頂附近接應傳球，然後傳給後上的馬迪遠射，皮球觸及水晶宮球員改變方向出界。Ｂ費如果狀態Fit既時候，相信佢係禁區頂附近已經可以施射，或者轉一轉身吸大位施射。睇到呢度已經頂唔順要訓了，今朝起身睇精華，原來之後已經再冇入肉既攻門，還差少少臨天光瀨尿添，好在甸軒達臣冇比場波悶親，醒醒目目咁保住一分。
也許Ｂ費真得太累，也許Ｂ費要睡一睡～
撰文：費格俊
附精華: https://www.youtube.com/watch?v=cDpYvV1c_gY
請按此登錄後留言。未成為會員? 立即註冊