哥迪奧拿欲簽蘇亞雷斯,4000萬或令紅軍放人!

雖然哥迪奧拿目前仲未正式上任,但係佢已經開始考慮下個賽季拜仁既引援。根據英國媒體報導,哥迪奧拿非常睇好利物浦前鋒蘇亞雷斯,並要求拜仁努力簽下呢名高效率既射手!

《每日鏡報》指,哥迪奧拿一直好睇好蘇亞雷斯,早係2009年,仲係巴塞執教既哥迪奧拿就曾經嘗試求購蘇亞雷斯以替代亨利。但係當時阿積士要價太高,而巴塞對仲係荷甲踢波既蘇亞雷斯並唔太信任,所以最終未能成功引入蘇亞雷斯。而蘇亞雷斯係1年後轉會到英超豪門利物浦,並且成為左紅軍既鋒線核心。
今個賽季蘇亞雷斯係英超賽場上攻入16球助攻3次,係英超射手榜上僅次於雲佩斯。係今個星期啱啱結束既英超聯賽入面,利物浦5:0大勝諾域治,蘇亞雷斯又有入波。而利物浦主帥羅渣士更加對呢位愛將讚不絕口:“蘇亞雷斯又有出色既表現,就好似佢今個賽季一直保持咁樣,係每場比賽佢都可以攞出100%既狀態,而且仲可以幫助年輕球員!”

好明顯,利物浦唔會輕易放走隊內既頭號前鋒,不過對紅軍不利既係,利物浦目前係英超積分榜上只係排係第七位,好可能再度無緣下個賽季既歐聯賽場。而對於已經25歲既蘇亞雷斯黎講,佢希望可以係更大既舞台上面展現自己既能力,而德甲霸主拜仁就係一個好好既選擇。另外,蘇亞雷斯既經紀人都係哥迪奧拿既哥哥佩雷-哥迪奧拿,咁對於哥迪奧拿說服佢加盟拜仁都可以起到重要作用!
蘇亞雷斯係2011年1月加盟利物浦時侯既轉會費為2280萬英鎊,《每日鏡報》認為,係英超呢兩年入面蘇亞雷斯已經證明左自己既實力,佢既身價將會一直上升。如果拜仁想係出年夏天成功引入蘇亞雷斯,咁就需要攞出4000萬英鎊說服利物浦放人。而拜仁同德國足壇之前引援既最高轉會費係上年夏天馬天尼斯既4000萬歐元,但係大約只有3360萬英鎊,如果拜仁真係攞出4000萬英鎊引入蘇亞雷斯,咁就將會刷新呢個紀錄!

留言


請按此登錄後留言。未成為會員? 立即註冊
    快捷鍵:←
    快捷鍵:→