[德甲第十二輪]紐倫堡 vs 拜仁慕尼黑[賽前預告]

比賽類型 : 12-13賽季德甲第十二輪
比賽時間 : 17/11/2012 22:30
比賽地方 : 輕松信貸體育場

今晚德甲上演「巴伐利亞州打吡」,由德甲「一哥」拜仁慕尼黑出戰同州既紐倫堡!由於雙方實力懸殊,以拜仁既穩定走勢黎講,今場作客仍然係十拿九穩!

賀漢尼斯連任,高美斯復出
拜仁會長漢尼斯係啱啱既年度大會上成功連任,一眾球員今晚當然要生生性性,用勝利賀一賀佢!呢支德甲班霸今季5場作客聯賽全部贏波之餘,更攻入15球兼保持不失,其中湯馬士梅拿個人就入咗5球咁多,數字僅次於「作客入球王」傑斯寧。大營亦傳出好消息,就係係暑期受傷既射手馬里奧高美斯終於傷愈,佢係周二既練習賽攻入4球,證明狀態一啲都唔曳,而且餓波咁耐,後備落場都肯定有貨派,文迪蘇傑真係要小心畀佢搶走正選位!

紐倫堡主場火力曳
紐倫堡早排對住榜下游既禾夫斯堡,先至打開今季主場勝利之門,而且佢地係自己地頭5戰先至入得3粒,火力同拜仁差天共地。曾經係2007年率領紐倫堡擊敗拜仁既門將舒希化都心知唔夠打,惟有話:「如果可以把握到僅有既幾個機會,或者可以贏波既!」睇怕呢位門神今場都好唔得閒!

巴斯杜巴歸隊
週中既國家隊比賽中,小豬同卻奧斯都無隨隊,拜仁今場仲有巴斯杜巴歸隊,令拜仁可以用更強既陣容出戰紐倫堡。拜仁為保聖誕前冬季冠軍之名,如今係聯賽、歐冠同德國杯三線一齊進發既拜仁,唔可以有任何閃失,今場3分必取!

直播網址 :
直播吧
zqnow
Wiziwig

留言


請按此登錄後留言。未成為會員? 立即註冊
    快捷鍵:←
    快捷鍵:→