哥迪奧拿或拒拜仁赴英超：英超更加充滿競爭力！ 精選

關於拜仁將要換帥既新聞越黎越多，之前媒體更加話哥迪奧拿將會係冬季接手呢支德甲豪門，不過目前黎看，巴塞前主帥正同拜仁越行越遠，而希歷基斯既帥位就慢慢變得越黎越穩陣！

據西班牙《馬卡報》報導，之前同拜仁已經十分接近既哥迪奧拿執教拜仁既可能性正慢慢變低，雖然佢曾經向前拜仁中鋒東尼諮詢左呢間德甲巨頭既情況，但係宜家哥迪奧拿本人前往德甲執教既念頭已經減弱，咁令到車路士後來居上，更加有可能簽左呢位巴塞“夢三王朝”！
《馬卡報》用賽車圖黎展視出目前歐洲俱樂部競爭哥帥既優勢，《馬卡報》表示目前車路士既陣容同樣充滿活力，而佢地既板凳深度都強過拜仁，另外車路士老闆阿巴莫域治既轉會資金都將會成為吸引哥帥既重要籌碼，令到拜仁失去左競爭哥帥既優勢。更重要既係，英超俾德甲更加充滿競爭力，當初哥帥離任巴塞很大程度就係厭倦左對西甲既兩強爭霸。

《慕尼黑日報》表示，係呢場競爭中拜仁正落後緊，考慮到目前市面上無太好既主帥人選，以及目前球隊有穩定既戰績，拜仁已經開始考慮緊會唔會同希歷基斯續約！戰績穩定係希歷基斯留任既最大優勢，而佢都得到左德國民眾既支持。最近紐倫堡一家調查公司係全國既民意調查中顯示，有69%既受訪者希望拜仁可以續約呢位已經67歲既老帥，只有18%既受訪者反對呢樣意見！