拜仁增強後防線，瞄準阿根廷國青隊＆河床雙料主力年輕中堅！ 精選

呼籲拜仁增強後防線既聲音一直無停過，今個賽季球隊雖然引進左巴西中堅丹特，但係中堅既位置上面仍然顯得有D笨拙。係阿拉巴受傷時，巴斯杜巴客串左閘，球隊中堅無人可以換。宜家阿拉巴復出，但係巴斯杜巴又係聯賽受傷要養傷兩星期，加上老將雲巴頓一直受傷病困擾，拜仁後防線依然無人可以換，咁都難怪一直有聲音要求馬天尼斯客串中堅。拜仁都意識到球隊既問題，宜家已經睇中左一名21歲既年輕中堅準備引入！
據意大利媒體既消息指，拜仁有意既年輕中堅係佩塞拉(Germán Alejo Pezzella)。佩塞拉今年21歲，宜家係阿根廷既傳統勁旅河床效力。意大利媒體列出既“12大90後新星名單”中，佢同沙基利都一齊入選，被稱為“具有領袖氣質”既年輕中堅。宜家21歲既佩塞拉唔單止係河床既絕對主力，佢仲係阿根廷國青隊既隊長，未來極有希望係阿根廷國家隊佔據一席位！

佩塞拉既經紀人表示，自己球員既未來係歐洲，並且已經就轉會一事同河床進行過交流，只要有合適既報價就會離隊：“我已經同河床傾過，球隊唔會逼我地續約，球員既未來始終係歐洲球會到。我地就轉會既事傾過，只要任何球隊開出一份合理既報價，咁球隊係唔會為難球員既。”
雖然球員都有意轉會，但係拜仁要簽下佩塞拉係一件唔容易既事。佩塞拉一早已經引起左多隊意甲強隊既注意，包括拿坡里、費倫天拿、以及國際米蘭等球隊都有意呢位年輕中緊。拜仁如果想簽佢，必須要係報價上擊敗好多對手先得，據稱目前佩塞拉既身價係1000萬歐元左右，呢個都係河床既心理價位。

但係德國媒體指出，拜仁高層曾經表示球隊係引入南美球員既時候虧損左唔少，比連奴就係好好既例子。所以拜仁曾經明確表態唔再從南美引入未來之星，今次既佩塞拉似乎只係傳聞。但係德國媒體同樣指出，係足球圈絕對唔會說不，只要有適合拜仁既球員，拜仁就一定會諗盡辦法簽佢，黎自邊到並唔會成為阻礙！
http://www.youtube.com/watch?feature=player_detailpage&v=k4FKQC1Hp7Y