利物浦追求南非世界杯金靴，出價2000萬收購拜仁球星！ 精選

雖然利物浦最近成績有所回升，但係仲有一個致命問題並未解決，由於今季轉會策略出現重大錯誤，新帥羅渣士宜家竟然得番一個前鋒可以用，租借出去既卡路爾至少要等到1月份，波連尼因為重傷已經提前離開2012年，至於蘇亞雷斯，烏拉圭前鋒創造機會雖然係叻，但係把握機會就麻麻地。
據稱羅渣士已經打算唔召回卡路爾，所以利物浦出年1月份肯定會收購前鋒。英國媒體《洞察越位》就爆料，指2010年南非世界杯金靴湯馬士梅拿進入左羅渣士既名單，冬季準備以2000萬收購佢，拜仁球星可能係出年1月份加盟利物浦！熱刺亦中途加入預備2000萬英鎊收購梅拿！
梅拿今年23歲，可以擔任前鋒．右翼同進攻中場，係拜仁青訓系統培養出來既球星，自2009年提拔上一線隊之後，已經代表拜仁出場165次，攻入57球；係球會既出色表現，令到佢係2010年搭上左代表德國國家隊參加南非世界杯既末班車，並且攻入5球一舉成名！上個賽季，梅拿陷入左低谷，代表拜仁出場53次，僅僅攻入11球，差D俾拜仁清洗​​；今個賽季，梅拿搵番係南非世界杯既狀態，12場比賽攻入8球，另外仲有7次助攻！
http://www.youtube.com/watch?feature=player_detailpage&v=vEpER9M0L3M