洛賓因傷再缺席訓練，拜仁鋒霸時隔兩個半月恢復訓練！

由於大腿肌肉拉傷，拜仁翼鋒洛賓再次缺席訓練，值得注意既係，今次已經係洛賓第二次無參加訓練。上星期洛賓一直係度進行恢復訓練，而且應該係星期五既熱身賽復出，但係洛賓既傷勢突然反復，令到佢取消左訓練同比賽，繼續接受治療。係經過左幾日既休息之後，洛賓既傷勢仍然無起色，令到佢再次缺席訓練..
今次洛賓既缺席可以講係令人感到失望，因為兩日前拜仁隊醫、人稱“神醫”既禾花夫宣布洛賓既傷勢並無大礙，傷情反復都係正常既情況。但就係“神醫”講完既第二天，洛賓就缺席左訓練，咁既結果毫無疑問係令人失望。琴日，洛賓去左拜仁訓練基地打算進行訓練，但係最後變左接受治療。
由於對禾夫斯堡既比賽入面大腿肌肉拉傷，洛賓已經缺席左球隊近半個月既比賽，從宜家既情況黎睇，今個週末拜仁客場挑戰升班馬杜塞爾多夫既聯賽，洛賓好大機會都繼續留係慕尼黑繼續休養...洛賓既傷勢雖然再次反復，但係拜仁就收到另一個好消息！！上賽季既主力射手高美斯正係度恢復訓練。德國時間星期一，高美斯係體能教練既陪同下進行左慢跑訓練，並係之後做左幾次快速跑。高美斯既準確復出時間仲未確定，根據媒體既推測，恐怕係今年既比賽我地好難睇到拜仁鋒霸再入咁多波...