德甲雙雄主場入坐率100%，堪稱歐洲第一！

德國球迷既熱情，以及德甲既入坐率一向係歐洲第一。根據調查所知，德甲既拜仁慕尼黑和多蒙特兩隊今個賽季既主場入坐率都係100%，兩隊並列歐洲足壇入坐率最高球隊！
德國媒體對歐洲所有5萬人以上既球場係今個賽季開始後既入坐率進行左統計，結果拜仁同多蒙特兩隊德甲球隊既主場入坐率都是100%，而主場球迷既支持都俾兩隊帶黎更大既動力，直到宜家拜仁同多蒙特係主場全勝！入坐率緊隨兩隊既就係英超Big4其中兩隊，阿仙奴既入坐率係99.56%排第三，排名第四既曼聯入坐率就係98.87%。
西甲方面，雖然巴塞對皇馬既西班牙打呲吸引左全世界既關注，但係呢兩間西甲豪門今個賽季既主場入坐率並唔高，皇馬88.57%，而巴塞竟然得75.59%。因為兩隊既主場可以容量好多人，另一方面都說明左其他西甲球隊同兩隊實力懸殊，所以除左國家打呲之外，其餘既西甲比賽對球迷黎講吸引力並唔高。
睇下入場人數，多蒙特同樣係歐洲每隊球隊既榜首，主場每場都迫爆80645位球迷。拜仁主場雖然入坐率一樣係100%，但係由於拜仁主場最多靜係可以容納71000人，所以拜仁係呢項統計入面只可以同皇馬一齊排第四。
入場人數排名第二多既係75553人既曼聯，巴塞就以74670人排第三。數據顯示前10名入面，有5隊黎自德甲既球隊。
史浩克04 (60511人，第6名)
漢堡 (54708人，第8名)
慕遜加柏 (49942人，第10名)
另外史特加以48110人排第14、紐倫堡以46017人排第16、漢諾威以45800人排第17、法蘭克福45063人排第19、不萊梅42100人排第28。