拉芬哈：我唔要係垃圾時間上場，我要正選！ 精選

拜仁主場嬴賀芬咸既比賽入面，拜仁既巴西右閘拉芬哈係比賽既88分鐘換下列里利，完成左今個賽季既首次比賽登場。由於腳踝韌帶既受傷而傷左10個星期既巴西人終於復出，拜仁既右路防線有望係今後既比賽獲得輪換機會。但係隨住阿拉巴即將復出，拉芬哈係球隊既機會恐怕都唔會多。近日拉芬哈表示唔想係垃圾時間替補上場，希望可以獲得更多既正選機會。“當然，我對自己重返球場感到滿意，我覺得我既狀態都唔錯。就係因為狀態唔錯，所以我想有更多既正選機會！踢1分鐘並唔係我想要既結果，我唔係果種所謂垃圾時間球員，我知道我有能力踢更多比賽、有更多機會，甚至打足全場都得。”事實上，拉芬哈已經傷癒並隨隊訓練左一段時間，但係由於隊長拿姆出任右後衛，佢幾乎無出場機會。“咁都無辦法，球隊有咁多好球員，無可能令每個人都滿意架！不過我唔會怨咩，我會努力練習。宜家我只有繼續努力，呢樣都係我一直係度做既野。軒歷基斯同我講過，佢覺得我狀態唔錯，我應該加緊練習。但係唔係我想要，我想踢多Ｄ比賽，我唔想再係場邊睇波！”