米蘭唯一核心遭拜仁挖角，紅黑兵團將面臨星散！

連續送走伊巴謙莫域、堤亞高施華既巨星後，AC米蘭既實力大打折扣。雖然係咁，紅黑軍團仍然俾其他豪門挖角。據《慢鏡頭》既消息，德國班霸拜仁慕尼黑已經睇中左米蘭唯一核心奇雲保定，希望係冬季轉會窗期間將佢引入，報價亦都達到2400萬歐元！
伊巴謙莫域、堤亞高施華既離去對AC米蘭整體實力下降，已經俾意大利媒體認為失去競爭意甲冠軍既能力。原本有消息指米蘭將會係冬季轉會窗期間引援，但《慢鏡頭》報導就話紅黑軍團僅餘既核心奇雲保定都有可能遭到出售，令到所有人都好震驚！！

雖然組織能力一般，但佢既跑動同突襲仍然係重要既攻擊手段。值得注意既係，目前拜仁慕尼黑陣中仲有奇雲保定既細佬，而謝路美保定既幫口都可能增加呢筆交易成功既可能性。奇雲保定會唔會前往拜仁慕尼黑，關鍵在於未來AC米蘭既成績。如果係冬季轉會窗之前紅黑軍團可以走出低谷，重返意甲前三，有下賽季歐冠資格，奇雲保定就有可能考慮唔離開。如果靜係係積分榜中下游徘徊，咁心灰意冷既佢就可以離開。