[歐冠盃分組賽第二輪]巴迪 vs 拜仁慕尼黑[賽前預告] 精選

比賽類型 : 12-13賽季歐冠盃分組賽第二輪
比賽時間 : 3/10/2012 02:45
比賽地方 : Haradzki Stadium球場
白俄羅斯球隊巴迪今晚將會主場迎戰德甲班霸拜仁慕尼黑。兩隊係首輪分組賽都順利贏波，其中巴迪作客擊敗法甲里爾就令人驚訝，不過拜仁慕尼黑開季至今九戰全勝未逢敵手，其中七場仲可以淨勝對手兩球或以上，今場就算作客出戰都絕對嬴到巴迪！

巴迪輸少當贏
巴迪今季雖然有前阿仙奴同巴塞隆拿中場希比加盟，實力係就係有所增強，但係今場要面對近期狀態處於頂峰既歐洲頂級球隊拜仁慕尼黑一定捱打，球隊歐聯首場作客雖然擊敗里爾，但今場遇上霸氣十足既拜仁只係希望輸少當贏！！

列貝利、洛賓仍未開齋
新賽季8場比賽入面，除左對華倫西亞和對史浩克既比賽無入波之外，文素基治係其餘6場都有入波，一共入左7球，梅拿都有5球進賬，中場小豬和卻奧斯都貢獻左4球。不過，上賽季攻入超過10球既一對翼鋒列貝利同洛賓還未開齋！
傷兵陸續復出
希帥為左保護球員，所以並無將剛傷癒既洛賓參加不萊梅既比賽，不過佢今場都係因傷勢問題仲未可以上陣。至於前鋒高美斯近日己經開始簡單既訓練，據德國媒體聲稱，佢最快2周內重返球隊訓練。另一名傷兵奧地利小將阿拉巴已經開始有球訓練，佢有望係近期重返賽場！