拜仁豪華陣容高達2.63億，高美斯梅拿將會再推高！！ 精選

由於洛賓同列貝利兩個傷癒復出擔任正選，夏天高價轉會既馬天尼斯亦正選上陣。呢三名球員一齊首發提高左拜仁整體既身價。根據德國權威轉會網站transfermarkt.de既數據，拜仁今場首發陣容既總價值高達驚人既2.63億歐元，平均每人身價達到2400萬歐元！！

係拜仁十一名正選入面，目前身價最高既係列貝利，達到4200萬歐元；排名第二高既係小豬，身價3500萬歐元。馬天尼斯雖然轉會費為4000萬歐元，不過係transfermarkt.de既網站入面，佢既真正身價係3000萬歐元，同紐亞一樣。

不過今場拜仁既2.63億歐元身價都唔係極限！今場拜仁最有價值既洛賓、列貝利同馬天尼斯雖然正選上陣，但係仲有高美斯、梅拿兩個高身價既球星休息。高美斯同列貝利身價一樣，都係4200萬歐元，並列全隊最高。梅拿既身價都達到3200萬歐元。如果一切順利既話，拜仁未來可能會排出
-------------------------紐亞------------------------
-------拿姆、保定、丹特、巴斯杜巴---------------------馬天尼斯、小豬------------------
------------洛賓、梅拿、列貝利--------------
---------------------高美斯------------------------
既超豪華首發陣容，如果以宜家既身價黎計，咁到時拜仁既首發陣容身價將會比呢場比賽多4800萬歐元，達到更加恐怖既3.11億歐元..