阿仙奴睇中拜仁鐵腰，一月準備以一千萬收購！ 精選

英媒爆料指阿仙奴有意係出年一月轉會市場以1000萬英鎊既價格求購拜仁鐵腰古斯達禾。之前由於傷病，古斯達禾已經缺陣好幾場。不過日前巴西人表示自己既傷勢已經無大礙，並且堅信今年內就可以復出。

上年1月以1200英鎊從賀芬咸加盟拜仁既防守中場古斯達禾今季既狀況並唔算好。賽季一開始，拜仁重金引入馬天尼斯，原本位置就唔穩固既古斯達禾同迪莫舒卓克都受到好大既衝擊。之前古斯達禾仲一度傳出同西甲豪門巴塞有過緋聞，不過拜仁體育主管森馬明確表示："古斯達禾唔會離開我地。”11月初，古斯達禾係對漢堡既比賽中腹股溝受傷，靜靜休養左兩個星期，但係佢既傷情一直無好轉。11月19日，古斯達禾接受左右側腹股溝既手術。由於古斯達禾右側腹股溝支撐肌肉既連​​接部位隔膜受損，手術主要係對隔膜進行修復。手術非常成功，不過巴西人要復出起碼仲要等一個幾月。
雖然拜仁鐵腰目前尚未復出，但雲加已經計劃係下個月轉會窗開啟之後買入古斯達禾。槍手係一個唔錯既新賽季開端後開始衰落，雲加承認佢既陣容係冬季需要引援，25歲既古斯達禾對於阿仙奴中場既強化好有幫助。再加上迪亞比一直飽受傷病困擾，引入古斯達禾呢種防中勢在必行！