歐洲足協:拜仁係遵守財政公平競賽制度既榜樣

今個星期四,歐洲足協係意大利羅馬舉行左專門會議,討論即將實行既財政公平競賽制度,歐洲足協旗下53個國家既足協代表都參加左今次會議。歐洲足協係會上要求每個國家足協係今後加強自己國家每隊球隊既管理,嚴格監督球隊遵守歐洲足協既財政公平競賽制度。
歐洲足協秘書長特別稱讚拜仁慕尼黑既財務政策:“係過去既15年入面,拜仁慕尼黑一直就係歐洲足協搵既遵守財政公平競賽制度既榜樣。德甲球隊做野永遠小心謹慎,唔會進行過度投資。”雖然拜仁​​今個夏天用左4000萬購入馬天尼斯,但係球隊既收入同支出依然平衡,仲創造左連續19年盈利既驕人成績,難怪歐洲足協會將拜仁稱為其他球隊既榜樣。
今年9月,歐洲足協已經宣布馬賽、馬拉加等23間球隊因為達唔到財政公平競賽制度既要求,將會扣除今個賽季既歐洲賽獎金。歐洲足協秘書長都對以上球隊進行左批評:“呢d受到處罰既球隊肯定唔開心。但係歐洲足協唔會俾任何一隊球隊贏左冠軍,但係仲拖欠球員既轉會費,呢種處罰係為左保證每間球隊之間既公平。”

曼城、車路士、巴黎聖日耳門等等既球隊係得到幕後老闆既支持後,不斷進行大手筆引援。但歐洲足協秘書長話呢種係畸形既發展模式。 “球隊只有一樣野係最穩定,果樣野就係球迷。主席、教練、球員都有可能離開,但球迷會一直支持球隊。我地一定要避免係未來出現因為事但一位富翁唔鍾意足球,就導致球隊破產。我地更加希望睇到既係所有球隊擁有長期目標同可持續發展既財務狀況,咁先有利於足球整體發展。”

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→