哥帥代理人會見拜仁代表,仍有機會執教拜仁!

今個賽季,德國媒體一直係度報導哥迪奧拿既執教消息。目前正係紐約度假既哥帥,早已經成為左歐洲各大豪門既爭搶目標,包括拜仁慕尼黑、AC米蘭、曼城、車路士等球隊都有意請黎呢位年輕既名帥。但係前一陣哥迪奧拿既表態令拜仁球迷感到失望,佢表示宜家拜仁已經有一位出色既主帥,所以唔談論去拜仁既話題,咁都俾好多媒體解讀為佢放棄拜仁。但係近日媒體再傳消息,哥迪奧拿既代理人已經前往慕尼黑,同拜仁代表進行左會面。

根據德國《慕尼黑日報》既消息指,哥迪奧拿既代理人最近啱啱抵達慕尼黑,同拜仁既代表進行左一次會面。雖然咁並唔可以明確表示哥迪奧拿將會執教拜仁,但係至少表明左哥迪奧拿願意聽取黎自拜仁既報價,拜仁仍然係哥帥既選擇之一。哥迪奧拿到底會唔會執教拜仁呢?至少係3月份之前我地係唔會知道正確答案。哥帥明確表示,只有充分考慮各方既報價之後先會有答案。而佢指既時間就係3月,咁同拜仁方面同希帥續約既時間一樣。可以講,係一定程度上,拜仁仲係度等哥帥既消息。
事實上,今次已經唔係拜仁第一次同哥帥既代表見面,早係上年5月份,當時既拜仁體育主管羅寧加就同哥迪奧拿既哥哥係馬德里進行左一次會面,就哥帥可能既執教進行左溝通。目前拜仁主帥希歷基斯既合約即將到期,可以講除左語言既問題之外,哥帥入主拜仁完全無障礙,但係拜仁仲要面對多支球隊既競爭。其中有曼城、車路士咁既燒錢大戶。

除左拜仁之外,仲有唔少既球隊有意哥迪奧拿。據悉,車路士既老闆阿布願意為哥迪奧拿開出一份為期3年,合同金額達到6600萬歐元既天價合同。而AC米蘭既老闆就答應為哥迪奧拿提供一座別墅,以滿足哥帥嚮往安靜生活既要求。但係面對多方既報價,哥迪奧拿本人都係未有清晰既諗法:“我自己都唔知我會執教邊隊。”

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→