巴塞 - 防守接班問題

More Than a Club 於 06/10/2016 發表 收藏文章
前線上, 尼馬開季交出好表現, 減鎊後既阿達杜蘭再加上柏高艾卡沙加深左板凳深度。
大致上, 巴塞攻擊力相信會比上季為佳。

但防守線所暴露出既問題的確為巴塞迷所擔憂。
比較前兩季西甲數據防線每況愈下:

2014/15 – 頭7場錄得0失球
2015/16 – 頭7場錄得9失球
2016/17 – 頭7場錄得10失球
先講, 達史特根確實是年輕具有天賦, 而且曾經為巴塞在歐聯場上屢救險球, 但神經質既天性同時為自己後防創造不少險球. 情況有點像祖赫特。


但不一樣的是曼城球迷為祖赫特的待遇抱不平, 相反地,達史特根在巴塞的正選資格被受質疑, 問題出自其穩定性。的確, 巴禾在巴塞效力時從撲救率到不失球次數都反映出佢比達史特根優勝, 而且最重要是接近零犯錯。今時今日, 要尋找到樣樣兼具的門神的確不容易, 從哥帥對棄”祖”投”巴”的堅持同執著可見其因。
今季相信安歷基會繼續信任達史特根。


中堅接班問題同樣憂心, 今夏放走一直期望很高的巴查後, 找來新加盟的烏姆迪迪。但中堅平均年齡不再年輕, 碧基準備步入三字頭, 而其搭擋雙”馬” - 馬斯查蘭奴和馬菲奧已經三十有二。

特別是馬菲奧, 上季一直在中堅以及左閘位置作出貢獻, 表現大致上合格 但隨著中堅烏姆迪迪和左閘迪治尼 加盟之下, 今季地位預計將會大大減低. 再加上, 正選出場3戰錄得1勝2敗, 觀看完艾拉維斯以及切爾達的糟糕表現後, 相信下季留隊機會不大。

如考慮到其他選擇, 筆者有以下選擇:

1) 艾達韋列特 (大熟大勇)
27歲 – 登陸英超前已經為馬體會效力一個球季, 嬴取過西甲冠軍。可惜, 只出場12次而被外借到修咸頓。轉戰英超後大放光彩, 後防上所有位置都可勝任。踢法全面又夠硬正, 用球能力都相當高, 同時可以上前為隊友提供支援。 上季為熱刺打足33場比賽只失25球, 被英國球壇選為2015/16球季最佳中堅。



2) 拿樸迪 (潛力最大)
22歲 – 無錯, 只得22歲但感覺好像已經認識很久, 原因係佢一直被追捧成FM妖人已達數年。其間曾被傷患困擾, 但復出後發揮非常出色,而且更見成熟. 最近更首次入選法國國家隊。熟悉西甲文化, 而且 速度,力量,技術俱備。不過踢左中堅既佢會同烏姆迪迪位置重疊, 而且對上一個夏天傳聞佢曾經拒絕過巴塞既招手效忠畢爾包, 再加上其身價, 相信要獲得拿樸迪加盟難度十分高。


3) 雲迪克 (冷門之選)
25 歲 – 筆者自2013年巴塞在歐聯戰場上開始對這位當時效力些路迪的年輕荷蘭中堅甚為欣賞。
2015年加盟修咸頓取代艾達韋列特既位置更加發揮出佢既實力。身高193cm為佢錄得英超最高既158次成功頭槌, 同時高度優勢無阻佢靈活性而且助攻力同樣強勁, 不時助球隊建奇功。今季開季至今發揮保持出色, 身價相信比前兩者為低。


<完>

留言


請按此登錄後留言。未成為會員? 立即註冊
    快捷鍵:←
    快捷鍵:→