紅魔反勝中央陸軍 以15分首名出線歐聯 左翼衛再成為球隊勝出關鍵

曼聯今場擺出3-4-3比較進取嘅陣容，果然一開波就狂攻對手，福仔、盧卡古表現搶鏡，可惜係上半場入唔到波之餘仲要俾對手絕殺返更衣室。

繼上場聯賽楊格係左路有sharp醒演出，今場就到Shaw不斷後上助攻，仲要做埋Man Of The Match，睇嚟曼聯嘅左路開始有收成期。

換邊之後曼聯當然繼續水銀瀉地咁進攻喇，最終由「黑雙煞」KO中央陸軍，以15分首名出線。
賽後摩佬當然滿意球隊拎到15分出線喇，但主編認為曼聯係歐聯分組賽對手唔係太勁，以15分首名晉級都唔係太出奇姐，淘汰賽階段先見真章，加上仲要分心英超追趕曼城，下半季先係考驗摩佬嘅時間。