【亞視東維拉】 精選

人生怱怱數十載，曾經風光過或者已經足夠。
今季阿士東維拉表現強差人意，更被香港球迷食字恥笑為「亞視」東維拉。但除左食字外，其實維拉同「亞視」一樣，亦係曾經風光過，到現在卻窮途末路。
阿士東維拉喺唔同時期其實都曾經擁有唔少好球員，包括占士米拿、楊格、巴里、唐寧、希斯基、賓迪基、艾邦拉賀、德夫、戴倫賓特，每位都有相當實力，就連曼聯黑雙剎之一嘅約基，其實都係成名於阿士東維拉。
而維拉最威水應該係1981-1982 球季擊敗拜仁慕尼黑，取得歐洲聯賽冠軍盃冠軍，成為歐洲冠軍，風頭一時無兩。
而1992年英超成立後，維拉亦取得超級聯賽亞軍。及後兩年更連奪兩屆聯賽杯冠軍。
當時除了英超「Big 4」外，維拉可算是實力較強的球隊。
而自英超1992年成立後，雖然維拉成績浮浮沉沉，到近年已經唔算係強隊，但維拉24年來都總能成功護級，從未試過降班。可惜今季「護級成功」嘅畫面應該難再於維拉身上重現。今季維拉踢左31場比賽只得16分，即使餘下7場比賽全勝全取21分，都只得37分，未能到達公認嘅40分「護級線」。
加上以今季維拉嘅表現而言，開季至今只取得可憐嘅3勝7和。
餘下7場要全勝？談何容易...
似乎球迷都要開始有維拉降班的心理準備。場面亦有如「亞視」面臨清盤，面臨倒閉。
雖然未成事實，但大家都知道，這一天始終會來臨。
大家可謂同病相憐。

當然40分其實都只係想像出黎嘅目標分數，回顧歷屆英超，每年成功護級嘅第17位其實都係唔夠40分嘅。但每年英超包尾嘅球隊都有一共通點，就係整季一沉不起。
當今季德夫及賓迪基離開維拉後，今季嘅維拉狀態正正趺到谷底，一蹶不振。
而且每場比賽球員都毫無鬥志，了無生氣。
近幾場波更看不見會有反底的可能...
而就近4季包尾球隊而言，
上季包尾嘅昆士柏流浪最終取得30分，
前季嘅卡迪夫城取得30分，
12-13球季昆士柏流浪取得25分，
11-12球季狼隊取得25分。

唔想做近5年最差嘅降班球隊，維拉最少要多取9分。
對於今季嘅維拉而言，其實亦頗有難度。

雖然維拉成績已經比07-08球季嘅打比群好(當年打比群只取得1勝8和取得11分)
但維拉總不能以最差的數據作比較吧...

總之，希望來年維拉可以重新振作，上英超再拼過吧。