神枱上的大哨復出? 精選 推薦

「腳癮」呢樣野真係好難用文字去解釋清楚。
有踢開波既波友應該會知道，如果突然一兩個月無波踢，真係會心郁郁，坐立不安，沖緊涼訓緊教腦海都會幻想起球場上點樣扭波過人，高波趺落泥點樣窩利抽射，入左波點樣慶祝等等等等的畫面，總之就諗起一堆球場發生既事。比較投入既朋友什至可能會係廁所自High慶祝亦不足為奇。
大概朗拿度就處於這個狀態，一早已經被球迷捧上神枱的大哨於11年宣佈退休。
我地普通人無踢一兩個月波都心癢癢，
大哨以前日日踢波練波，突然三年多無正式比賽踢，點會唔心郁郁。
近日，朗拿度成為了北美足球聯盟第二級球隊勞德代爾堡前鋒隊的股東，更揚言會操FIT自己，努力減肥，爭取復出。
不過睇番資料，好似已經淡出歐洲球壇多年既朗拿度原來都只係38歲。
相比起一些球壇長青樹如傑斯，史高斯，舒寧咸等而言，38歲其實未玩完架，更何況在北美第二級球隊，踢多兩三季其實都仲得。
回想起來，一命二運三風水，高峰時期的朗拿度，其實真係遇神殺神，遇佛殺佛，所有後衛都聞風喪膽。大哨狀態急速下滑回塘，其實除了因為經常沉迷女色乜乜乜，物物物。最主要原因是大哨經常受傷患困擾，太多的傷病和疼痛根本令大哨無法再踢球。大哨高峰時期有幾勁? 唔需要多講，一齊睇片，百看不厭!
要不是傷患，其實大哨係歐洲捧多幾次杯都仲得阿!!!

https://www.youtube.com/watch?v=m8bZhNBQktQ
Source: http://soccer.sina.com.hk/news/85/2/1/2497011/1.html?cf=soccer-contentLatest

球來球往facebook: https://www.facebook.com/ballcomeballgo