(非正式統計)球迷最想阿仙奴收購的球星人選

上季季尾的時候，
阿仙奴已聲稱今季將會有七千萬磅投放入轉會市場，
更聲稱今季將會買入星級球員。
這些消息都令不少球迷尤其阿迷都非常興奮期待。
但時至今日，八月都快將來臨，
但阿仙奴依然未買入任何星級球員，令很多球迷都非常失望。
雖然筆者並不是阿仙奴的標準球迷，
但筆者亦十分關注阿仙奴今季的轉會消息。
而筆者身邊亦有不少英超迷，
所以筆者於眾朋友間做了一個小小的非正式調查，
統計一下大家到底想阿仙奴買邊位星級球員。
而不約而同地，
最令阿迷揼心口既，
就係阿仙奴買唔到希古恩，
曾經盛傳希古恩同阿仙奴無限接近，
令各球迷興奮非常，
希古恩有級數，有射術，有經驗，把握能力高，
絕對係阿仙奴需要既球員，
可惜，一切已成過去，
希古恩已經轉投意甲拿玻利。
而回到正題，
根據筆者的非正式統計，
球迷最想阿仙奴買的球星有以下五位。

蘇亞雷斯
當然蘇亞雷斯是目前阿仙奴最大的收購希望，
阿仙奴亦已經向利物浦報價四千萬零一鎊，
雖然利物浦一口拒絕，但蘇亞雷斯亦於近日開始萌生轉會念頭，
始終阿仙奴可以參加歐聯，
對於蘇亞雷斯而言，這是最吸引之處。
不過雖然蘇亞雷斯有技術有速度，
但場內紀律始終令人擔心，加上蘇亞雷斯踢法較為獨食，
未必適合阿仙奴踢法，所以即使蘇亞雷斯願意加盟阿仙奴亦未知是福還是禍。


托利斯
自從摩帥回歸車路士後，
托利斯於隊內位置一直成疑，
始終托利斯加盟車路士後的表現都一直浮浮沉沉，
入球數字未如理想。
如被車路士放棄，亦不足為奇。
而阿仙奴方面現時最希望就是購買前鋒，加強攻力。
托利斯曾幾何時是一名令所有後衛聞風喪膽的尖刀，
若托利斯離開車路士，都會希望於英超再次証明自己，
若加盟阿仙奴，的確也是令托利斯証明自己的一個好地方。

法比加斯
法比加斯係巴塞一直搵唔到自己既位置，
佢踢得唔開心已經係公開既秘密，
若回歸阿仙奴亦不足為奇，
法比加斯的加盟可以拍住辛迪卡蘇拿於中場組織攻勢，
而法比加斯的直線分波更加係世界級，
加上曾經係阿仙奴效力過一段長時間，
與隊友再次融合並不是大問題。
雖然法比加斯現時的情況較接近加盟曼聯，
不過一日未簽約，
阿仙奴仍然有機會。

根度簡
根度簡係多蒙特進步神速，
係歐聯決賽後已盛傳阿仙奴對根度簡非常有興趣。
有不少阿迷亦對根度簡的印象不錯。
不過筆者則認為阿仙奴現在於中場的位置上並不太缺人，尤其根度簡的位置是墮得比較後。
阿仙奴現在最需要是改善攻力，
而且根度簡早前已經講過無諗過轉會，
睇泥根度簡好滿意佢係多蒙特既生活，離心並唔高，
所以筆者對這交易不抱太大期望。

艾沙拉維
AC米蘭方面已表示艾沙拉維並非非賣品，
筆者與朋友都認為其實阿仙奴可多留意這球員，
艾沙拉維有技術有速度，
而且只不過係20出頭，
絕對岩哂阿仙奴口味。

當筆者問到大家對朗尼加盟的意見時，
大家都異口同聲認為，
朗尼於曼聯的時間大長了，恩怨太多，
所以並不希望朗尼加盟。
而筆者與朋友最擔心的情況就係雲加係暑假一個人都買唔到，
之後又同記者講現時既陣容已經好強咁。
雲加阿雲加，
到底你幾時先肯出手阿!

PS 今次分享其實只係筆者與朋友間的純幻想吹水討論，當中好多意見其實都未必能成真，或者大家都可以發表下你既意見，到底阿仙奴應該買邊位星級球員好呢??
球來球往facebook https://www.facebook.com/ballcomeballgo