【C7可否不要老】

球來球往 於 09/02/2016 發表 收藏文章
「XX可否不要老」這句子雖然已被用到爛,但的確百用不厭,
大概因為時光這個壞人真的無人能敵,
即使你多喜歡的事,多喜歡的人,都會因為時光嘅飛逝而慢慢離開你。
C朗拿度,一個無人不知的名字。
回望C朗的過去,18歲的他出道於士砵亭,繼而加盟曼聯,
在曼聯時的C朗的確風頭很大,
香港地亦大把球迷。
那時候與死黨打winning,大家都會爭用曼聯,因為C朗打機好屈機。
踢波時亦爭住扮C朗插花,扮C朗射罰球,因為C朗夠型。
當然連慶祝動作都要模彷C朗!
C朗風頭的確一時無兩!
09年C朗轉會皇馬,
在皇馬的7年間,
人們都總是討論C朗美斯邊個係地上最強,
這是一個屬於C朗美斯嘅年代。
但原來在剛過去的2月5日,已經是C朗的第31個生日,C朗已經31歲...
在球員短暫的足球生涯之中,C朗已經到了最後直路。

最初覺得C朗「死扭爛扭」「獨食」「鍾意Show off」,
到而家「罰球?得!」「速度?有!」「入波?Easy!」,
外表亦開始多了一份老練,多了一份滄桑。
C朗由一個黃毛小子演變成無人不識嘅萬人迷。
這時亦不禁想起,自己亦已經由一個初中MK仔,變成一位打工MK佬。
那時候的死黨?沒有聯絡了。
踢波?幾乎沒有了。
慶祝動作?現在的香港已經沒有什麼好慶祝了。
唯一不變的,就是我依然會在電視機前看C朗。
想著想著才發覺,
我一直以為是我們看著C朗變老,但原本變老的並不只C朗,
其實變老的還有我們自己,是C朗一直陪伴著我們成長。
或者不止C朗,
再看看一些球壇人物,
一些經典傳奇球員,
施丹、加利仔、傑斯等等都已經坐上教練席指揮球隊。
一些熟悉嘅名字,
杜奧巴、林伯特、謝拉特、派路等都已經離開原有嘅崗位,在職業生涯最後階段慢慢的享受足球嘅樂趣。

一個又一個時代,不斷靜靜的結束。再過多幾年,屬於C朗的年代亦會有完結的一天。
原來有得睇C朗並唔係必然,有得睇美斯並唔係必然。
佢地都會老...先係必然。

老套講句,珍惜眼前人。

球來球往: https://www.facebook.com/ballcomeballgo/

如果喜歡我們的文章,請即分享到︰

留言


請按此登錄後留言。未成為會員? 立即註冊
  • anyman1128 於 10/02/2016 評論 NO. 1

    中學時期真係皇馬邊場波都會留意,當時前面靠C朗單天保至尊。
    可惜球星總會退下來。。

  • ajion 於 10/02/2016 評論 NO. 2

    真係說的有道理,新年快樂

快捷鍵:←
快捷鍵:→