英超賽事已到了最後階段，回顧整個賽季各支球隊的表現，每支球隊的確各有特色，而再把這些特色放大到整個現實社會，我們亦會發現，英超的確是社會的縮影。
曼氏力場繼續掌控英超。曼聯整季都是報紙雜誌的焦點，由季前雲佩斯的加盟，開季後成了反勝王，朗尼的鬧離隊，聯賽重奪冠軍，到費SIR季尾榮休，由季頭都季尾，曼聯都是英超新聞的焦點所在。加上每場球賽都有近乎完美的表現，無論任何對手，整個比賽都在曼聯控制之佈，而季尾開始更一直拋離第二位十分或以上，盡顯霸氣。而球証有沒有受到曼氏力場的影響，則見仁見智。
同樣姓曼，但曼城則像個新手投資者。曼城這名二世祖家底雄厚，但在投資技巧上曼城仍屬初哥。雖然上季曼城奪得英超冠軍，可說是一次成功投資。但今季曼城四大皆空，歐聯戰績慘不忍睹，加上史葛冼佳亞，洛維爾，查維加西亞等平庸收購，都反映了曼城在投資上仍屬初哥。希望下季新到來的投資教練能好好善用曼城雄厚的家底，作合適的投資。
而說到投資，阿仙奴則像一位老練的投資經紀，無論係長渣，定係玩「即日鮮」，總之球員身價一到最高位，阿仙奴便豪不猶豫的把股票放售。務求做到低買高賣。
熱刺則是一位名牌大學生，實力當然不容忽視，近年一直都是英超黑馬。但熱刺的情況就像香港的大學生，無論是那間大學畢業，出到社會都可能要屈就地做一些低薪行業，有排捱。雖然熱刺的潛力非常高，但與出人頭地仍有一段距離。
車路士-典型香港打工仔。車路士心急既性格就最似香港人，車路士經常換領隊已經唔係咩新鮮事，缺乏耐性好像已變成車路士的特徵，季中更抄左奪歐冠的功臣迪馬提奧。雖然車路士係有D錢，但今季頻頻撲撲，隔幾日就踢一場波，忙到飛起，好彩到最後都拎到個歐霸杯。似足香港人，日忙夜忙，想抖下都難。
而愛華頓，史雲斯，西布朗就同肥媽等師奶一樣，日日教你點樣「食平D」。這三隊波今季絕對能以「庶渣的價錢，燒鵝的味道」來形容。 尤其以史雲斯的米祖最為特出，上季米祖轉會史雲斯的轉會費只是二百二十萬鎊，但今季聯賽入球已達到18球。而愛華頓，西布朗的班費及球員質素亦不是特別高，但憑著球員間的高合作性和團結，令他們能以好成績完結賽季，絕對是教大家食平D。
利物浦-力求改變的中產。以利物浦的近年實力而言，的確是中規中矩。但利物浦卻有一顆奮鬥的心，利物浦不再甘於只做一位中產，他們亦心知舊的一套長傳急攻不再可行了，於是今季請來了羅渣士，一改球隊風格，球隊踢法開始變成地面進攻。從今季可見，利物浦的改革開始成功，期望新的球季利物浦有新的開始。史篤城和諾域治絕對是兩位彪形大漢。兩隊踢法粗糙，而高波為主。踢既都係一啲辛苦波，差唔多每場波都見到史篤城既球員見紅。但佢地既成績就永遠係大家既意料之外。就好似香港既地盤工人，細細個見到佢地時會覺得佢地一定係讀唔到書，做呢D辛苦工，人工一定唔高啦。到大個左先發覺，原來地盤工雖然辛苦，但原來係咁富貴。史篤城和諾域治就係咁，雖然佢地讀唔夠書，戰術同人腳都無咩太大改變，但勝在肯博肯捱，結果分數儲下儲下，護級?夠用啦。
到富咸，富咸比筆者既感覺一直都係一位宅男，富咸一直比筆者既感覺都係有D HEA，依家加埋HEA碧，成個HEA格出哂泥。不過富咸有樣叻，就係主場永遠都好惡，似足宅男，哩係屋企先發到威。當然筆者都係講笑咁講姐，富咸可以留係英超超過十年，當然係好比心機踢既。
而韋斯咸 紐卡素 修咸頓 新特蘭 阿士東維拉就好似一群白領，高不成低不就，大家都讀過下書，有唔錯實力，但每日就不斷番工放工，有驚無險，又到終點。
韋根就唔使多介紹，季尾既韋根好似會變左做第二隊波咁，場場爆盡，快上快落。似足一名臨急抱佛腳既學生，聽日考試，今日先開始溫書，碰碰運氣希望合格。不過今季終於運唔切書，肥左。
昆士柏流浪似足一班無所事事既成飛仔，二世祖。其實昆士柏流浪既財力及陣容實力係足夠，季中亦買左唔少好球員番泥，包括雷米，森巴等，亦請左列納領軍。但比賽態度差係昆士柏流浪既致命傷，好多球員比賽時都無咩鬥心咁。可能係因為場上好多球員都踢過大會，包括保辛華，法比奧，格尼路，胡禮菲臘斯，全部都踢過車路士，皇馬等既大會。突然要佢地踢護級，大家都好似唔多想踢咁。結果就個個禮拜白賺人工，HEA足一季。而昆士柏流浪亦都話到比大家知，懶惰既人，真係無得救。
而筆者其實覺得雷丁就係英超裹面最無奈，最無能力改變的低下階層，陣容上其實比降班同伴昆士柏流浪及韋根更遜色，能夠捱到最後，靠既其實就係一班球員既意志及鬥心。不過作為社會低下階層，無錢就係無錢，無能力就係無能力，結果只能無奈地再降落英超。
PS 本文其實只抽取球隊部分特徵為題，的確有以偏概全之嫌，若令任何球隊的球迷不滿，請多多見諒。
球來球往facebook https://www.facebook.com/ballcomeballgo
曼氏力場繼續掌控英超。曼聯整季都是報紙雜誌的焦點，由季前雲佩斯的加盟，開季後成了反勝王，朗尼的鬧離隊，聯賽重奪冠軍，到費SIR季尾榮休，由季頭都季尾，曼聯都是英超新聞的焦點所在。加上每場球賽都有近乎完美的表現，無論任何對手，整個比賽都在曼聯控制之佈，而季尾開始更一直拋離第二位十分或以上，盡顯霸氣。而球証有沒有受到曼氏力場的影響，則見仁見智。
同樣姓曼，但曼城則像個新手投資者。曼城這名二世祖家底雄厚，但在投資技巧上曼城仍屬初哥。雖然上季曼城奪得英超冠軍，可說是一次成功投資。但今季曼城四大皆空，歐聯戰績慘不忍睹，加上史葛冼佳亞，洛維爾，查維加西亞等平庸收購，都反映了曼城在投資上仍屬初哥。希望下季新到來的投資教練能好好善用曼城雄厚的家底，作合適的投資。
而說到投資，阿仙奴則像一位老練的投資經紀，無論係長渣，定係玩「即日鮮」，總之球員身價一到最高位，阿仙奴便豪不猶豫的把股票放售。務求做到低買高賣。
熱刺則是一位名牌大學生，實力當然不容忽視，近年一直都是英超黑馬。但熱刺的情況就像香港的大學生，無論是那間大學畢業，出到社會都可能要屈就地做一些低薪行業，有排捱。雖然熱刺的潛力非常高，但與出人頭地仍有一段距離。
車路士-典型香港打工仔。車路士心急既性格就最似香港人，車路士經常換領隊已經唔係咩新鮮事，缺乏耐性好像已變成車路士的特徵，季中更抄左奪歐冠的功臣迪馬提奧。雖然車路士係有D錢，但今季頻頻撲撲，隔幾日就踢一場波，忙到飛起，好彩到最後都拎到個歐霸杯。似足香港人，日忙夜忙，想抖下都難。
而愛華頓，史雲斯，西布朗就同肥媽等師奶一樣，日日教你點樣「食平D」。這三隊波今季絕對能以「庶渣的價錢，燒鵝的味道」來形容。 尤其以史雲斯的米祖最為特出，上季米祖轉會史雲斯的轉會費只是二百二十萬鎊，但今季聯賽入球已達到18球。而愛華頓，西布朗的班費及球員質素亦不是特別高，但憑著球員間的高合作性和團結，令他們能以好成績完結賽季，絕對是教大家食平D。
利物浦-力求改變的中產。以利物浦的近年實力而言，的確是中規中矩。但利物浦卻有一顆奮鬥的心，利物浦不再甘於只做一位中產，他們亦心知舊的一套長傳急攻不再可行了，於是今季請來了羅渣士，一改球隊風格，球隊踢法開始變成地面進攻。從今季可見，利物浦的改革開始成功，期望新的球季利物浦有新的開始。史篤城和諾域治絕對是兩位彪形大漢。兩隊踢法粗糙，而高波為主。踢既都係一啲辛苦波，差唔多每場波都見到史篤城既球員見紅。但佢地既成績就永遠係大家既意料之外。就好似香港既地盤工人，細細個見到佢地時會覺得佢地一定係讀唔到書，做呢D辛苦工，人工一定唔高啦。到大個左先發覺，原來地盤工雖然辛苦，但原來係咁富貴。史篤城和諾域治就係咁，雖然佢地讀唔夠書，戰術同人腳都無咩太大改變，但勝在肯博肯捱，結果分數儲下儲下，護級?夠用啦。
到富咸，富咸比筆者既感覺一直都係一位宅男，富咸一直比筆者既感覺都係有D HEA，依家加埋HEA碧，成個HEA格出哂泥。不過富咸有樣叻，就係主場永遠都好惡，似足宅男，哩係屋企先發到威。當然筆者都係講笑咁講姐，富咸可以留係英超超過十年，當然係好比心機踢既。
而韋斯咸 紐卡素 修咸頓 新特蘭 阿士東維拉就好似一群白領，高不成低不就，大家都讀過下書，有唔錯實力，但每日就不斷番工放工，有驚無險，又到終點。
韋根就唔使多介紹，季尾既韋根好似會變左做第二隊波咁，場場爆盡，快上快落。似足一名臨急抱佛腳既學生，聽日考試，今日先開始溫書，碰碰運氣希望合格。不過今季終於運唔切書，肥左。
昆士柏流浪似足一班無所事事既成飛仔，二世祖。其實昆士柏流浪既財力及陣容實力係足夠，季中亦買左唔少好球員番泥，包括雷米，森巴等，亦請左列納領軍。但比賽態度差係昆士柏流浪既致命傷，好多球員比賽時都無咩鬥心咁。可能係因為場上好多球員都踢過大會，包括保辛華，法比奧，格尼路，胡禮菲臘斯，全部都踢過車路士，皇馬等既大會。突然要佢地踢護級，大家都好似唔多想踢咁。結果就個個禮拜白賺人工，HEA足一季。而昆士柏流浪亦都話到比大家知，懶惰既人，真係無得救。
而筆者其實覺得雷丁就係英超裹面最無奈，最無能力改變的低下階層，陣容上其實比降班同伴昆士柏流浪及韋根更遜色，能夠捱到最後，靠既其實就係一班球員既意志及鬥心。不過作為社會低下階層，無錢就係無錢，無能力就係無能力，結果只能無奈地再降落英超。
PS 本文其實只抽取球隊部分特徵為題，的確有以偏概全之嫌，若令任何球隊的球迷不滿，請多多見諒。
球來球往facebook https://www.facebook.com/ballcomeballgo
請按此登錄後留言。未成為會員? 立即註冊