【利物浦阿仙奴賽後評:成也三中堅，敗也三中堅】 精選

阿迪達防守時343進攻時433既戰術，相信大家都唔陌生，重賽後已對戰阿仙奴兩場嘅高普就更加清楚啦，喺今場揾到呢套戰術既盲點，成功解除阿仙奴既逼搶，控制到局勢其實已經贏左一半。

防守
壓迫嘅重點係盡量封鎖利物浦前場既球員選擇，需要前鋒(Lacazette)作man mark/遮住防中(Fabinho)同埋兩翼(Aubameyang+Willian)內收遮利物浦內收既兩翼同埋中場中(三叉戟+Keita+Wijnaldum)。
*參考上季FA Cup四強對曼城一戰*
有賴於前兩場比賽既經驗，高普賽前部署打雙防中，較多由Wijnaldum墮後一格協助組織，因為利物浦有中場人數優勢(3vs2)，阿仙奴中場唔會太用力上前壓迫，以免俾打身後。
結果阿仙奴壓迫既中場(較多為Xhaka)變相進退兩難，前場壓迫如果做得唔夠全面，只會變得模棱兩可，利物浦就會好容易突破阿仙奴第一層防線，只要將個波運到上中前場之後，即使失波都會立即搶番控球權，令阿仙奴好難打出有效嘅反擊，套路被封死下(下面會再說明)，只可以靠零星既自動波組織打上去。
面對利物浦兩翼，兩閘(Bellerin+Niles)唔敢壓上。
前場最多投放五個球員壓迫，甚至好多時候需要一個中場(Elneny)防守快攻，即係得四個球員，只要利物浦用包圍網的方式組織，就容易突破阿仙奴第一層防線。
阿迪達戰術既盲點就係343排陣上限制左球隊嘅壓迫力，雖然進攻嘅時候阿仙奴係用433，但係防守嘅時候，球員們習慣既喺三中堅五後衛結構，令阿迪達唔敢貿然轉陣四後衛，因為會打亂賽前嘅部署，所以中場增加唔到人手去壓迫。

進攻
阿仙奴今場控球時間唔多，控球率只有34%，即使成功差傳到個波，都冇辦法突破利物浦嘅中低位壓迫，大多時間回後由David Luiz大腳斬上去打利記身後，但係高普有做足功課，盡量少俾Aubameyang單對單防守力疲弱既Arnold，由Gomez負責。
https://media.giphy.com/media/3RJJomS2PEK6bhQ36U/giphy.gif既然唔可以創造攻勢，咁只可以以快攻嘅機會打上去，以往阿仙奴一直以後場組織引誘對方壓迫，然後快速短傳連結，用兩個中場作為中轉站分去俾兩閘，或者用拉左邊無人看管既Niles突破，從而解決迫搶，做個快攻上去。以往既利物浦Firmino會主動迫龍門，其他隊友一齊壓上，但遺留太多空位俾阿仙奴中場第一下彈走個波。
*以下為利物浦對阿仙奴社區盾比賽片段*
https://media.giphy.com/media/vVx0wpzEbAMlU3trGg/giphy.gif但係今場利記集中中路防守，由兩翼弧線形從中堅去逼龍門，Firmino同其他中場盡量貼近阿仙奴中場，唔俾佢地攞波，明顯吸收左上次社區盾既教訓。
https://media.giphy.com/media/DvCYG9dfOowxpFY7Bs/giphy.gif
總結
阿迪達一開始用上呢一套三中堅變形結構面對強隊喺起到奇兵作用，但係當對手開始熟悉你套路既時候，就會容易揾到應對既辦法。相信其後面對強隊再使用同一套戰術，對手好有可能會抄襲利物浦嘅戰術，再次克制阿仙奴，依球員個人能力取勝我隊。加上阿迪達缺乏plan b，喺下半場只有作出位換位既調動，換出校有創造力既球員，任有佢地自己波，好難可以好似其他強隊咁穩健嘅成績同比賽表演。
呢篇係小弟第一篇文章，如果有咩問題，希望大家多多包容。🙏🏾🙏🏾