兵工廠世界第三十八集- 八年無冠的內傷 精選

留言

• cfy 於 29/12/2013 評論 NO. 1

  技術型中場數量多從來唔係一個問題，因為意味住我地其實可以喺我地控制波嘅時候創造機會；但問題係，我地喺近幾場缺少插入禁區射門嘅球員，導致playmaker們嘅選擇就好多時就係比番另一個playmaker, 或者睇下兩隻閘會唔會上黎，再分比佢地。講到奧斯爾，的確有其他星級球員喺度嘅時候佢會發揮得更加好，但其實果啲星級嘅球員都要係後上插入射門嘅球員，例如話C朗，迪馬利亞，走動更靈活嘅賓施馬都係；奧斯爾黎嘅頭幾場而禾仔未傷嘅時候，其實奧斯爾放左好多個攞人命嘅直線比禾仔，只不過係佢差唔多全部都唔入咁解。而前幾場好多時有能力後插嘅基奧特，喺禁區比人圍到實一實，加上佢速度慢而只可以做柱躉，令到奧斯爾都根本比唔到波佢後插射門，所以有廢左奧斯爾武功嘅感覺。我相信兩個邊路進攻嘅球員都復出後，奧斯爾嘅情況應該可以有所改善。