《傷病何時無，把酒問雲加》第十三周 作客西布朗 三分全失 精選

第十三周，傷病人數其實只有6人，相對上一周熱刺前的11人大大的減少。仃次的傷病名單人數有路斯基、韋舒亞、韋碧克、藍斯、禾確特、張伯倫。今日比賽新增2人：高基連、阿迪達。根據賽後報告，要經檢查才能確定實際情況。


今場賽事的陣容，相信最大轉變係金寶不見了，金寶去左後備。山齊士轉打右邊，基比斯擔正左翼。效果係點樣？係有限既人腳下，呢個轉變未嘗唔係一個新方法，但係效果冇咩明顯分別／帶來的正面作用不大。

機會係下半場有3個：

第1球，47分鐘，奧斯爾左腳射中柱，相信大家都認同奧斯爾真係火起來。今年的奧斯爾，大家睇到佢既改變，同時睇到佢踢波既積極，更睇到佢傳波既質數。今日再一次助攻比基奧特，連續7場獲得助攻，要破紀錄，時間問題。

及後，金寶落場，今場波對金寶的印象就係：66分鐘，浪費一個黃金機會。一個扳平的機會，由卡蘇拿傳出，我諗大家都明白金寶係右腳球員，左腳弱係好正常既事，但果下既觸球，我諗果個moment真係震撼全部球迷同時講一個字。金寶的表現，有待觀察。
最後，82分鐘，12碼。一如既往的人，一如既往的射門，却見到不常見的結局。球却往天上飛，沒有入球出現。只見到卡蘇拿靜靜的坐在球場上嘆氣，再望望草地，可能係草地問題，滑倒了。最後只能飲恨。

全場綜觀
相信大家見到今場波做得最多就係橫傳，不停的橫傳。面對西布朗的鐵筒密切防守，阿仙如又一如以往的傳統，一旦不能打出流暢的波，最後只會不停係中場／禁區頂不停橫傳。司職中場大哥的奧斯爾、卡蘇拿、左翼的基比斯、右翼（右前鋒）的山齊士。除了奧斯爾及卡蘇智的幾腳美妙傳波，基比斯作用可謂少之有少；而山齊士感到的疲態，一次比一次嚴重。


山齊士的爭勝之心或入波的心長期火熱，但耐何狀態不佳，打不出自己的能力。


另外一提，今場右路受的壓力比較大，比利連的一邊經常受制於對手。高基連的傷出係一個原因，另一原因阿仙奴今場比西布朗既壓力、迫搶實在唔多，好多次對手就爆到一兩球，亦造就了反超前的一球。
其他英超競爭對手：
曼城主場大敗，高普的利物浦遇強愈強，呢場波利物浦絕對贏得精彩
曼聯作客羸波，力壓同市曼城，阿仙奴，升上第二
榜首：由升班馬李斯得城暫時企穩
阿仙奴係輸波後，聯賽26竹，排得4。
阿仙奴周中再戰歐聯，主場對薩格勒布戴拿模。16強形勢渺茫，下回再續。