Week 19 阿仙奴 再下一城 先登榜首 施治破紀錄 奧斯爾進一步邁向紀錄締造者 精選

呢場算係聖誕開快車的第2場，由阿仙奴主場對戰般尼茅夫。正選陣容如下：
今場睇到有4個調動：後場有3個調動，前場1個。高斯尼由包列斯達代替 （高斯尼後備）
蒙利爾由基比斯代替 （蒙利爾後備）
法明尼由張伯斯代替 （法明尼有傷）
金寶由張伯倫代替 （金寶後備）

之前有好多球迷都有講過，防中再傷的話，會係邊個踢？或者邊個會比較適合踢呢個位頂上？大家期待左好耐既張伯斯，終於有機會打防中試下。（好似話法明尼可以係下場對紐卡素復出）

今場波出現2個入球，相信球迷同我的諗法都係，太少啦。雖然3分已袋，但係場上有幾多次黃金機會，大家從球賽＆精華應該都睇到有幾多個。但有幾多個把握到，就...........（烏鴉飛過）
第一球入球，來自奧斯爾的角球，由包列斯達頂入。呢個入球係包列斯達加入阿仙奴的第一個入球，值得慶祝。我相信各位球迷對包列斯達的表現一向都幾期待，無論係爭正選或者做替換，包列斯達都可以令球迷放心。另外，呢個入球亦令奧斯爾的助攻數據堵加1個，現在是16個助攻。
佢係入球後係非常非常興奮，包列斯達係一個非常有heart既球員。上次對車路士都見到，

另外一球，值得一讚的當然有奧斯爾，處理非常冷靜成熟，由攞波到睇住龍門再輕輕一燙，入左，真係非常瀟灑。另外值得一讚的當然係基奧特既彈波，後腳的一彈，落點完美。對上一次基奧特有如此神技，就係前年決賽的加時反超前的一球，仲有對諾域治同韋舒亞的組合。
今場奧斯爾做左好多腳靚波比禾確特和基奧特。兩個把握力真的要繼續進步下去。如果唔係，今場邊止2球。

另外一題，今場係門將施治打破英超最多Clean sheet不秩球的紀錄，達到170場。希望阿仙奴以後會為施治帶來更多獎盃、更多不失球，將不失球不停延續落去。

今仗3分已袋，登上榜首。第二位的李斯特城將會主場對曼城。

下一場，1月2日，夜晚11點。主場對戰紐卡素。