曝槍手正式求購皇馬前鋒 法國國腳或以4500萬加盟

西班牙媒體《世界體育報》消息指，英超球隊阿仙奴已經就法國國腳奇雲·賓施馬(Karim Benzema)向皇馬提出一份4500萬歐元嘅報價。
阿仙奴有意賓施馬，呢個消息最早嘅來源係嚟自英國《太陽報》，儘管隨後身處新加坡嘅雲加明確表示，冇任何關於賓施馬嘅買賣，但教授亦又暗示佢唔係冇可能引入呢位法國錢鋒。而據《世界體育報》最新消息指，阿仙奴已經針對賓施馬，向皇馬提出一份4500萬歐元嘅報價。
《世界體育報》指出，皇馬嘅態度係願意同開價合理嘅球隊進行談判，亦即係話，銀河艦隊並唔抗拒將賓斯馬賣走，但前提係價錢要合理。值得一提嘅係，前幾日英國《每日郵報》亦聲稱，雲加確實對賓斯馬感興趣，而對於傳聞中嘅希古恩，教授其實並冇太大興趣。