雲加承諾將全力挑戰車路士 拒絕曼城挖角韋舒亞

兵工廠ㄧ阿仙奴 於 10/04/2015 發表 收藏文章
大勝利物浦之後,阿仙奴已經升上第二位。雲加鼓勵全隊要一鼓作氣,延續勝利勢頭,繼續向榜首車路士施壓,因為槍手依家唔係爭四,而係爭冠。
雲加召開了周末聯賽前例行記者會,要求全隊延續當下嘅良好勢頭,強勢結束今季,「我哋依家狀態良好,希望可以一直維持到賽季結束。我哋同車路士存在一定差距,但我哋會努力去縮小分差。
阿仙奴係多踢一場嘅情況下落後車路士7分,不過槍手仲要係酋長球場迎戰藍軍,因此仲有追分嘅機會,「今季我哋開頭表現唔好,當時我哋好多傷患,不過依家我哋搵番狀態,球隊亦取得好大進步。我哋同車路士嘅賽程都唔易打,但我哋首先要打好自己嘅比賽,盡可能以最好嘅分數結束今季,我哋依家嘅狀態好好,足總杯亦殺入四強,我哋一定要保持專注,延續狀態。
曼城陣容老化,本土球員稀缺,有消息指佢哋有意係今夏再次挖角阿仙奴,帶走韋舒亞。對此,雲加警告曼城,槍手賣人嘅時代已經過去,「阿仙奴已經不再處於需要賣出最好球員嘅時代。」喬遷酋長球場之後,阿仙奴一度財政緊張,賣過唔少好球員,曼城就從阿仙奴挖走了高路托尼、艾迪巴約、拿斯利、基歷治等良將。但如今阿仙奴已然度過困境,財務狀況良好嘅佢哋,不再缺錢。

留言


請按此登錄後留言。未成為會員? 立即註冊
  • 世昌 於 10/04/2015 評論 NO. 1

    賣左佢一D都唔會心痛!

快捷鍵:←
快捷鍵:→