曝雲加坐擁5000萬鎊資金 為鞏固防線鎖定三球星

兵工廠ㄧ阿仙奴 於 12/03/2015 發表 收藏文章
阿仙奴近況不俗,亦有希望於下季繼續進軍歐聯賽場,咁對於其於夏季大採購自然係巨大推助力。《每日郵報》今日發布消息,稱球會為雲加準備好5000萬英鎊資金,教授打算係門將、中堅以及防中位置上買人。
近年連續買入卡蘇拿、奧斯爾同山齊士之後,阿仙奴攻擊端配置十分豪華。相比較而言,球隊嘅防守就冇咁可靠。今年夏天,雲加將重點加強防線,並計劃買入一位可靠嘅門將,中堅同防中位置上亦打算買入強援。
施捷斯尼今季表現飽受批評,英媒盛傳雲加睇中今季係車路士淪為後備嘅施治。摩連奴已經表示,如果施治申請離隊,佢會放人,不過轉會費必須要適當。英媒認為,如果出1000萬英鎊,足以買入年齡已過三十嘅施治。
雖然今年一月阿仙奴從維拉利爾買入巴西中堅加比爾,但梅迪薩卡今季嘅表現,令雲加堅定收購中堅嘅諗法。雲加之前下放梅迪薩卡、提拔加比爾,相信就係準備更換中堅嘅信號。
過去數月,阿仙奴球探一直密切考察多蒙特中堅利雲·蘇保迪(Neven Subotić),基輔戴拿模中堅達拉高域(Aleksandar Dragović)亦係目標之一。《郵報》認為,下季阿仙奴主力中堅將會係哥斯尼以及加比爾,或者係新援,但肯定唔會係梅迪薩卡。

留言


請按此登錄後留言。未成為會員? 立即註冊
  • Kwokwai Chow 於 12/03/2015 評論 NO. 1

    前線都要增兵 基奧特表現不可靠

  • jeffrey38 於 12/03/2015 評論 NO. 2

    雲加想開心 為什麼需要等 靠著酋長的資金

快捷鍵:←
快捷鍵:→