雲加親承新援有望正選上陣 頭號射手或因傷缺陣 精選

阿仙奴主帥雲加堅信新援加比爾能快速適應英超，並親承佢有望於周日嘅比賽中登場，不過同時頭號射手山齊士或因腿筋受傷而缺席今輪聯賽。
巴西後衛加比爾正式從西甲維拉利爾轉投阿仙奴，身價約為1120萬英鎊。雲加表示非常睇好呢位年輕嘅巴西中堅：「佢係個前途無限嘅後衛，24歲，速度快，鏟斷準確，所以佢能夠適應英格蘭足球。今季佢為維拉利爾踢咗好多比賽，我哋考察咗佢好多次，對佢嘅能力深信不疑。」
著唔5號波衫嘅加比爾有望係周日嘅英超比賽中登場，雲加稱簽佢係因為後防人手不足：「我哋需要多個中堅，因為迪保治受傷。雖然蒙利爾可以踢中堅，但如果再有人受傷，我哋中堅將會冇人用，特別係哥斯尼季初腳踭就有傷。加比爾可以兼任左右閘，亦係一項優秀嘅能力。」
加比爾強勢加盟，阿仙奴球星山齊士就受傷，有可能缺席今個禮拜嘅聯賽。前鋒韋碧克12月以嚟就冇上過場，但佢有望趕係北倫敦打比前復出。另外長期養傷嘅中場韋舒亞則會係10日內恢復正常訓練。