槍手門將下放預備隊 雲加或簽入新保方取代 精選

阿仙奴門將施捷斯尼對曼城嘅關鍵比賽再度被棄用，《太陽報》披露賽前佢已被下放預備隊訓練，而《地鐵報》稱雲加將開價1200萬英鎊求購意大利門將馬堤亞・比連(Mattia Perin)取代施捷斯尼。
施捷斯尼係輸俾修咸敦嘅聯賽中犯下兩次低級錯誤，導致球隊輸波，賽后佢係更衣室內抽煙被雲加重罰，新年後就再冇為一隊出場過，取代佢嘅係新門將奧斯派拿。
今場阿仙奴作客2-0完勝曼城，施捷斯尼依然被棄用。《太陽報》披露阿仙奴3-0戰勝史篤城後，冇登場嘅施捷斯尼跟隨預備隊訓練。雲加則表示暫時棄用施捷斯尼係為咗保護佢。《地鐵報》則透露雲加已經搵緊新門將取替施捷斯尼，並睇中了熱拿亞門將比連。22歲嘅比連今季表現極其出色，意甲登場17次，被譽為保方未來接班人。據悉雲加願為比連出價1200萬英鎊，取代表現不穩又違反隊規嘅施捷斯尼，擔任槍手門將。