奧斯爾宣布將傷多7週 確定無緣2014所有賽事 精選

香港時間11月13號，勞倫斯世界公益體育基金獎(Laureus World Sports Awards)頒獎典禮於德國柏林進行。奧斯爾因為資助23名患病兒童而獲獎。不過奧斯爾同時帶嚟壞消息：佢仲要繼續休戰多7星期。
巴西世界杯德國隊獲得冠軍，奧斯爾亦做咗件大善事。世界杯之前，奧斯爾承擔11名生病兒童嘅手術費用，德國隊奪冠后，奧斯爾決定擴大資助對象，將數量從11位提升到23位，奧斯爾今次捐款嘅總金額，係世界杯冠軍獎金24萬英鎊，折合40萬美元。因為呢件善事，奧斯爾獲得勞倫斯公益體育基金獎，碧根鮑華、列文親自為佢頒獎。
但奧斯爾係接受采訪亦帶嚟壞消息：「我已經因傷休息咗5星期，但係依家，我要需要多7星期先可以完全康復。咁確實係一段好長好長嘅時間，但足球有時就係咁樣，我會勇敢面對。」
今季英超第7輪阿仙奴作客0-2負於車路士一戰，奧斯爾半場結束時就感覺左膝疼痛，亦感受到有破碎聲音，但雲加冇將佢換走，而是俾佢繼續比賽。賽后結果檢查顯示，奧斯爾左膝嚴重受傷。對於奧斯爾嘅傷勢，阿仙奴同德國國家隊出現分歧。阿仙奴表示會「自行處理」奧燒嘅傷病，但德國國家隊認為，奧斯爾左膝傷勢將缺陣10-12週左右；阿仙奴方面認為，佢哋會進行詳細檢查再確認到底傷幾耐，但此後一直冇下文。依家奧斯爾親自確認將繼續休戰7週時間，等於宣布德國國家隊此前嘅診斷正確。
傷多7週，意味著奧斯爾2014年徹底報銷，德國核心仲將至少缺席阿仙奴11場比賽，好似11月22日主場迎戰曼聯，11月27日歐聯主場對陣多蒙特，12月20日作客挑戰利物浦等重量級交鋒。如果恢復順利，1月10日與史篤城一戰，奧斯爾有望傷愈復出。