槍手米蘭爭奪薩克達新星 FM妖人拒返烏克蘭求轉會 精選

烏克蘭混亂政局使得6名頓薩克達外援借熱身機會逃離，巴西天才中場杜格拉斯•哥斯達(Douglas Costa)更係至今拒絕返回頓巴斯球場，堅決要求轉會。據英國媒體透露，北倫敦兩強阿仙奴以及熱刺均有意租借佢，主要競爭對手係意甲既AC米蘭同羅馬。
英國媒體《每日郵報》消息指，阿仙奴及熱刺兩隊均與薩克達方面進行接洽，希望說服烏超冠軍外借23歲既杜格拉斯•哥斯達，另外兩間有意引入呢位技術型中場既係意甲既AC米蘭同羅馬。薩克達作客對陣里昂既熱身賽結束後，哥斯達滯留法國至今未歸，其經紀人亦已經四處撒網，為佢尋覓合適去處，轉會似乎已經定局，依家就睇究竟邊間球會能夠最終如願。
23歲既杜格拉斯•哥斯達出道自巴甲勁旅格甘美奧， 2010年以600萬轉會薩克達，隨隊攞到烏超5連冠，係歐聯賽場亦屢有出色表現，上季係烏超及歐聯兩線，出場33次，貢獻6球及13次助攻，發揮優異。能夠勝任攻中及左右翼既佢，曾係曼聯心儀目標，對於歐洲頂級球會而言，亦會係有益既補充。