曝槍手小將成交換籌碼 阿仙奴或外借祖爾甘寶+現金求購迪保治 精選

《每日鏡報》消息指，為買入紐卡素右閘馬菲奧•迪保治(Mathieu Debuchy)，阿仙奴有可能會向喜鵲借出隊中哥斯達黎加小將祖爾甘寶。
消息指，過去三年一直被阿仙奴出租在外既小將祖爾甘寶好可能會繼續被槍手外借出去。而係槍手睇中迪保治既情況下，甘寶好可能作為交易的籌碼。除咗祖爾甘寶外，另一位年輕球員贊堅臣亦有被當做籌碼既可能。
現年22歲既祖爾甘寶上季係希臘既奧林比亞高斯效力，發揮亮眼。而咁既發揮亦令佢有機會參加世界盃。而大黑馬哥斯達黎加則一路過關斬將，最終係八强惜敗荷蘭。
而除紐卡素外，祖爾甘寶亦有同韋斯咸，愛華頓同修咸頓聯繫。但目前槍手仲要等等看紐卡素方面會唔會要求迪保治既交易必須以純現金方式進行。