山齊士世界盃後離巴塞?阿仙奴曼聯2200萬爭購智利快翼 精選

今屆世界盃，智利能夠擠掉衛冕冠軍西班牙成功進入16強，巴塞球星阿歷斯山齊士功不可沒，首場比賽對陣澳洲1傳1射，助球隊全取3分，對陣西班牙，儘管冇入球，但智利既2個進球都係由山齊士間接助攻。
而上季係巴塞，山齊士係聯賽中就攻入19球同10個助攻，入球數同助攻數都僅次於美斯，儘管有咁數據，但山齊士並唔係絕對主力，經常被提前換走或者有時只能同柏度競爭一個主力位置。擁有如此出色既表現，但係原來既球隊過得並唔開心，就引起其他球隊既興趣了。
英超豪門曼聯係經歷了上季既失敗後，決定今夏捲土重來，首先請嚟荷蘭名帥雲高爾，意欲對球隊既戰術打法進行改革。據報導，曼聯已經為智利球星準備2200萬英鎊既轉會費，但是曼聯無法出戰下季歐戰將會係呢單轉會最大既障礙。
志在改善鋒線既阿仙奴同樣對山齊士感興趣，據報導稱，槍手主帥雲加係山齊士既粉絲，早係山齊士仲係烏甸尼斯既時候，雲加就曾過嘗試引入，只不過果時巴塞更加具有吸引力。相比曼聯，阿仙奴能夠出戰歐聨，係對山齊士最大既“誘惑”。