科特迪瓦國腳證實將赴槍手 雲加鎖定沙格拿替身 精選

阿仙奴陸續開出三份新約，沙格拿一一回絕。為咗更好待遇，法國人毅然選擇合同到期離隊。根據英國媒體消息，槍手已經鎖定沙格拿既替身，佢就係即將出征巴西世界盃既科特迪瓦國腳沙治奧利亞(Serge Aurier)。

近期，阿仙奴一直遴選沙格拿接班人，史浩克04既日本國腳內田篤人，修咸頓右閘張伯斯以及圖盧茲球員奧利亞都係熱門人選。依家睇嚟，奧利亞已經脫穎而出。日前，奧利亞親口告知一位槍迷，佢即將同阿仙奴簽約。
早前，科特迪瓦1-2不敵波黑。賽前熱身時，一位槍迷向奧利亞打探其球會未來。奧利亞毫不避諱，透露自己即將加盟阿仙奴。此事於Twitter上散播開來後，奧利亞仲特意轉發。
《每日鏡報》指出，雲加好可能已經圖盧茲傾妥，奧利亞既轉會費將達到750萬英鎊。教授歷來有收購法甲球員既傳統，沙格拿出自歐賽爾，如今奧利亞係圖盧茲發跡，並且入選上季法甲最佳陣容。5月份既時候，奧利亞曾表達想嚟英超闖蕩既想法，當時佢表示自己並唔挑剔，甚至願意為英超升班馬效力。不過奧利亞亦有明言，冇辦法拒絕阿仙奴既邀請，佢好尊敬阿仙奴及其法國籍主帥雲加。
奧利亞應該係個不折不扣既槍迷，昔日佢曾在公開場合着過阿仙奴既波衫，並且時不時係Twitter上轉發同阿仙奴有關既post。奧利亞即將代表科特迪瓦征戰世界盃。以防係巴西大放異彩身價上漲，教授希望係世界盃開幕前就鎖定佢既簽約。