雲加:必留槍手即將續約 從來冇諗過離開 精選

阿仙奴3-2擊敗候城，時隔9年終於再次捧起足總杯，奪得執教生涯第17個冠軍既雲加賽後稱讚球隊既表現，並表態自己會續約繼續執教下去，對兵工廠黎講絶對係雙喜臨門。
對於同槍手續簽新合同，雲加表示：「係，我地一切正常，從來冇咩離開既問題，只係有關於我點樣做好呢份工。」接受ITV採訪時，雲加再次強調：「我會留低。我一直話我既未來並不取決於呢場比賽，而且我一直希望留低。」
0-2落後到3-2逆轉，雲加賽後表揚球隊既鬥志同毅力：「我地始終有必勝決心，今日球隊展現到呢點，開局極為惡劣卻又將比賽扭轉。我確信呢場勝利將係一次轉折，獎盃能為球隊注入自信，球隊亦意識到自己可以係逆境下獲得勝利，呢點非常重要。如果咁既比賽你輸波，你會非常沮喪，今日球隊再次展現佢地既鬥志。」
雲加認為贏得足總杯意義重大：「呢個係一種釋放，一種幸福，要贏得今日既比賽，我地都處於巨大壓力之下，我地做左示範，點樣惡劣開始一場決賽，點樣係0-2落後時做出反應。比賽最後結束時球隊享受到巨大既幸福感，我地等待呢刻太耐，但有時你就必須等待，然後先可以體驗到咁樣偉大既時刻。」教授承認0-2落後令佢好吃驚，因為此前5戰阿仙奴全勝而候城近5戰輸左4場：「我被嚇到，佢地每次死球睇落都好有威脅，我地則有點太猶豫。係咁樣既比賽中精神因素好重要，開賽前每個人都期待你取勝，兩球落後又壓力重重。但英格蘭既杯賽決賽係特別的，你去睇下舊年再比較下今年，呢個係全隊最重要既時刻，因為失去今日既獎盃將係重大挫折，而贏波就將為下季更強勢回歸打下良好既基礎。」8年11個月又25日，阿仙奴終於結束8年無冠。上一個冠軍獎盃係2004-05賽季既足總杯，果年既槍手仲有亨利、柏金、韋拉、龍格堡、皮利斯同小將雲佩斯；2013-14賽季，又係足總杯，阿仙奴，終於又一次企係足總杯既冠軍領獎臺上。