"死神"回歸! 藍斯獻傳射 若冇傷槍手或可爭冠 精選

職業球員工會本周公佈英超最佳球員候選名單，有媒體同名宿指出，如果唔係因傷錯過下半季太多比賽，藍斯應該榜上有名，畢竟評選英超半程最佳球員時，除蘇亞雷斯外阿仙奴中場得到支持率最高。本週末聯賽藍斯用一傳一射既表現宣告自己強勢回歸，雲加亦於賽後點名稱讚：「藍斯恢復比賽體能同犀利狀態。」
月初對陣愛華頓，藍斯時隔4個月首次復出，1周後足總杯出戰維根，威爾斯人就正選上陣113分鐘，證明雲加對佢無條件信任。對陣韋斯咸後備上場既藍斯完成一次助攻，今場出戰候城再接再勵打出一傳一射既絕佳表現，一步一個臺階，阿仙奴重新擁有番最好既中場進攻武器。
「上一次奥斯爾同藍斯同時正選，阿仙奴成為首支作客擊敗多蒙特既英超球隊」，賽前得知奥斯爾同藍斯將共同正選上陣，媒體搵到一條鼓舞人心既資料為兩人打氣。果然阿仙奴今場第一球就有兩人既參與，奥斯爾橫傳經過卡蘇拿推傳到藍斯面前，後者冷靜面對門將推射遠柱，為阿仙奴先開紀錄。
今場第一球係藍斯自2013年11月30日後首個入球，時隔了141天。同時今季藍斯已經攻入9個英超入球，比佢之前5個賽季總和既7球仲要多。