(官方)槍手今夏離隊第一人 漢堡官方宣佈迪佐奴加盟 精選

香港時間4月4日，德甲球會漢堡以及瑞士足協官方確認，瑞士後衛迪佐奴從阿仙奴永久轉會漢堡。據德國媒體披露，漢堡為迪佐奴付出轉會費係250萬至350萬歐元之間，雙方簽署一份至2016年既新合同，迪佐奴亦成為槍手今夏正式離隊第一人。
27歲既瑞士國腳迪佐奴舊年冬天被阿仙奴租借到德甲漢諾威半季，舊年夏天佢通過漢堡體檢後，租借加盟一年，而漢堡有永久買斷佢既選擇權。儘管漢堡目前排名德甲倒數第二，深陷降級區，但迪佐奴既表現卻打動球隊，出場20次，成為主力中堅，防守亦相當乾淨俐落，，於是漢堡決定永久簽下他，雙方新合同至2016年。正式轉會後，迪佐奴首要任務係助漢堡護級，目前漢堡只領先榜尾2分，漢堡形勢不容樂觀。
迪佐奴係阿仙奴今夏正式離隊第一人，出道於槍手青訓營既佢04-05賽季就代表一隊上場，係雲加重點培養既中堅種子，其間被租借到伯明翰一個賽季。2010-11賽季出場達到37次，係佢阿仙職業生涯既最高紀錄，2011-12賽季佢亦獲得27次出場機會。然而隨著華美倫、哥斯尼同梅迪薩卡等加盟，加上自身冇太大進步同受傷病困擾，2012-13年上半季迪佐奴只出場2次，便係2013年冬季被雲加外借至漢堡隊。
若不出意外，迪佐奴將代表瑞士征戰世界盃。06年佢就入選瑞士國家隊，隨隊出征過06年世界盃同08年歐國杯等多屆大賽。確認離開槍手後，門將法比安斯基同後衛沙格拿亦好可能步其後塵。兩人合同都於今夏到期，但都未續約，法比安斯基因不滿做後備，已經拒絕槍手3年合同，沙格拿則因為無法得到理想合同而拒絕續約。